रोबोट सोफियाले भनिन्- प्रविधिको प्रयोगले नेपालमा भ्रष्टाचार हटाउन सक्छ

काठमाडौं ७ चैत- काठमाडौंमा एक कार्यक्रममा सम्बोधन गर्दै रोबोट सोफियाले नेपालमा प्रविधिको विकास द्रुत गतिमा भइरहेको बताएकी छिन् । उनले प्रविधिलाई सही तरिकाले लिन सकेमा नेपाल चाँडै विकासको गतिमा लम्कने विश्वास व्यक्त गरिन् ।

बुधबार काठमाडौंमा राष्ट्रसंघीय विकास कार्यक्रम (यूएनडीपी) ले आयोजना गरेको ‘सार्वजनिक सेवाका लागि प्रविधि’ विषयक सम्मेलनमा सोफियाले प्रविधिले सुशासन कायम राखी भ्रष्टाचारमुक्त समाज बनाउने सक्ने बताइन् ।

सेलेब्रिटी बनिसकेकी रोबोट सोफियाले नेपाल जस्तो विकासोन्मुख देशमा प्रविधिले गरिबी हटाउन सहयोग पुर्याउने बताएकी छन् ।

मानवको रुपमा रहेकी सोफियालाई हङकङको कम्पनी ह्यानसन रोबोटिक्सले बनाएको थियो । उनकोलाई २०१५ मा बनाइएको थियो । साउदी सरकारले उनलाई ‘मानव’का रूपमा नागरिकता दिएपछि उनी चर्चित बनेकी हुन् ।

उनलाई पहिलोपटक २०१६ मा उनलाई अमेरिकामा आयोजित एक कार्यक्रममा सार्वजनिक गरिएको थियो । विश्वका विभन्नि सार्वजनिक कार्यक्रममा आकर्षणको केन्द्र बन्दै आएकी छन् ।