लकडाउनको नयाँ मोडालिटीः रेड जोनमा के निषेध र ग्रीन जोनमा के छुट ?

सरकारले लकडाउनको नयाँ मोडालिटी ल्याउने भएको छ । आज मन्त्रिपरिषद बैठक बसी लकडाउन लम्ब्याउने निर्णय गरी कम र बढी जोखिमयुक्त क्षेत्र छुट्याएर मोडालिटी ल्याउने भएको हो । हिजो कोभिड-१९ नियन्त्रण तथा रोकथाम उच्चस्तरीय समन्वय समितिको आजको बैठकले मोडालिटीको खाकाको प्रस्ताव तयार गरेको छ ।

यसलाई मन्त्रिपरिषदबाट छलफल गरी पारित गर्ने तयारी भएको बुझिएको छ । खाकामा बढी खतरा भएको क्षेत्रलाई रेड जोन र कम खतरा भएको क्षेत्रलाई ग्रीन जोन बनाई केही क्षेत्र सञ्चालनको छुट दिइने भएको छ । विद्यालय, सार्वजनिक तथा निजी यातायातका अलावा भीडभाड हुने क्षेत्रमा छुट दिइने छैन । तर, कृषि, सामान ढुवानलगायतका क्षेत्रमा छुट दिइने छ ।

यस्तो छ प्रस्तावित खाकामा
सीमा क्षेत्र रेड जोनमाः आवागमन पूर्ण रुपमा ठप्प पारिने, पास पाएका र अनुमति पाएका निजी तथा सार्वजनिक कुनैपनि सवारी साधन सञ्चालन गर्न निषेध, यात्रु ओसारपसारका लागि अनुमतिविना राष्ट्रिय तथा अन्तर्रा्ष्ट्रिय हवाई सेवा निषेध, शैक्षिक संस्था बन्द, भीडभाड हुने बजार खोल्न निषेध, सिनेमा हल खोल्न नपाइने, खेल स्थल सञ्चालन गर्न नपाइने, शैक्षिक संस्था खोल्न नपाइने

ग्रिनजोनमा के के छुट ?
कृषि कार्य गर्न छुट, पशुपालन र त्यससँग सम्बन्धित कारोबार गर्न छुट, अत्यावश्यक मालमान ढुवानी गर्न पाइने, उद्योग, कलकारखाना जस्ता अत्यावश्यक सेवाहरु सावधानी अपनाएर सञ्चालन गर्न पाइने, तयारी खानेकुरा विक्रीवितरण गरी आपूर्ति गर्ने होटल तथा रेष्टुरेन्ट सञ्चालन गर्न पाइने, सावधानी अपनाएर भौतिक निर्माण गर्न छुट