लमजुङमा प्रतिनिधि र प्रदेशसभामा वाम गठबन्धनको अग्रता
सारांश
- लमजुङ – लमजुङमा प्रतिनिधि र प्रदेशसभा दुवैतर्फ वाम गठबन्धनका उम्मेद्वारले अग्रता लिएका छन् ।
- प्रतिनिधि सभामा १४ हजार ८१६ मत गणना हुँदा वाम गठबन्धनका उम्मेद्वार माओवादी केन्द्रका देवप्रसाद गुरुङले अग्रता लिएका छन् ।
- गुरुङले ६ हजार ९४७ मत ल्याउँदा कांग्रेस उम्मेद्वार दिलबहादुर घर्तीले ६ हजार ९१४ मतले पच्छ्याईरहेका छन् ।
लमजुङ – लमजुङमा प्रतिनिधि र प्रदेशसभा दुवैतर्फ वाम गठबन्धनका उम्मेद्वारले अग्रता लिएका छन् । प्रतिनिधि सभामा १४ हजार ८१६ मत गणना हुँदा वाम गठबन्धनका उम्मेद्वार माओवादी केन्द्रका देवप्रसाद गुरुङले अग्रता लिएका छन् । गुरुङले ६ हजार ९४७ मत ल्याउँदा कांग्रेस उम्मेद्वार दिलबहादुर घर्तीले ६ हजार ९१४ मतले पच्छ्याईरहेका छन् ।
यस्तै प्रदेशसभा क र ख दुवैतर्फ वाम गठबन्धनका उम्मेद्वारले अग्रता लिएका छन् । प्रदेशसभा क मा ७ हजार ५१३ मत गणना हुँदा वाम गठबन्धनका उम्मेद्वार धनन्ञ्जय दवाडीले ४ हजार ३९३ मतले अग्रता लिएका छन् । दवाडीलाई कांग्रेस उम्मेद्वार गर्जबहादुर गुरुङले २ हजार ९०६ मतले पच्छाएका छन् ।
प्रदेश सभा (ख) मा पनि वाम गठबन्धनका उम्मेद्वारले अग्रता लिएका छन् । काँग्रेसका कृष्णप्रसाद कोइरालालाई पछी पार्दै एमालेका पृथ्वीसुब्बा गुरुङले अग्रता लिएका छन् । गुरुङले ३ हजार ९०३ मत ल्याउँदा कोइरालाले ३ हजार ५४५ मत ल्याएका छन् ।
एक प्रतिनिधि र दुई प्रदेशसभा रहेको लमजुङका एकलाख १५ हजार ४४९ मतदाता रहेकोमा ७७ हजार ३४० जनाले मतदान गरेका थिए । प्रदेश सभा ‘क’ मा ३६ हजार ६८ र प्रदेश सभा ‘ख’ मा ४१ हजार २७२ मत खसेको थियो ।
प्रतिक्रिया