वामका धामीसँग ८ हजार बढी मतान्तरले पूर्वमन्त्री साउद पराजित

पूर्व सिँचाईमन्त्री एनपी साउदलाई ८ हजार बढी मतको अन्तरले पराजित भए । उनलाई वाम गठबन्धनका उम्मेदवार नरबहादुर धामीले पराजित गरेका हुन् । धामीले ८ हजार ३२७ मतको अन्तरले उनलाई पराजित गरेका हुन् । निर्वाचन क्षेत्र नम्बर २ अधिकृतको कार्यालयका अनुसार धामीले २४ हजार ८९३ र साउदले ३३ हजार २२० मत ल्याएका थिए ।

निर्वाचन क्षेत्र नम्बर २ मा ८९ हजार ७९१ कुल मतदाता मध्ये ६२ हजार ७८१ मत खसेका थिए । यस्तै निर्वाचन क्षेत्र नम्बर २ का दुवै प्रदेश सभामा वामकै उम्मेदवार निर्वाचित भएका छन् । क्षेत्र नम्बर २ को ‘क’ र ‘ख’ प्रदेश सभामा वामका उम्मेदवारले निटकत प्रतिस्पर्धी कांग्रेसका उम्मेदवारलाई हराउदै निर्वाचित भएका हुन् ।

निर्वाचन क्षेत्र नम्बर २ अधिकृतको कार्यालयका अनुसार (क) प्रदेश सभा तर्फ वामका उम्मेदवार महेशदत्त जोशीले आफ्ना निकटतम प्रतिद्वन्दी कांग्रेसका उम्मेदवार पुष्करराज ओझालाई ५ हजार २९ मतले हराए । जोशीले १७ हजार, ६७२ र ओझाले १२ हजार ४६२ मत ल्याएका थिए । यस प्रदेशमा ३० हजार ८०२ मत खसेको थियो ।

यस्तै निर्वाचन क्षेत्र नम्बर २ (ख) प्रदेश सभातर्फ पनि वामकै उम्मेदवार लालबहादुर खड्का निर्वाचित भए । खड्काले आफ्ना निकटतम प्रतिद्वन्दी बहादुर सिह थापालाई ४हजार ५३४ मतले अन्तरले हराउदै प्रदेश सभा सदस्यमा निर्वाचित भएका हुन् । खडकाले १६हजार ३८५ र थापाले ११ हजार ८५१मत ल्याएका थिए । यस प्रदेशमा २९ हजार ३१४ मत खसेको थियो ।

निर्वाचन क्षेत्र नम्बर २बाट निर्वाचित तीनै जना वामका उम्मेदवारले निर्वाचनमा जनता संग गरेका बाचा पुरा गर्ने उद्घोष गरेका छन् ।

निर्वाचन अधिकृत विष्णू प्रशाद पौडेलले सोमबार दिउँसो मात्रै प्रमाण पत्र वितरण गरिने बताए ।