विदेशमा बस्ने नेपालीले भोट दिन पाउलान् !
सारांश
- काठमाडौँ, ९ चैत, — रोजगारको लागि देश छोडी विदेश बस्ने नेपालीलाई भोट राख्ने वातावरण गराउन सर्वोच्च अदालतले आदेश दिएको छ ।
- विदेशमा बस्ने नेपालीहरूका लागि पनि मतदानको अधिकार सुनिश्चित गर्न सर्वोच्चले सरकारका नाममा निर्देशनात्मक आदेश जारी गरेको हो ।
- न्यायाधीशहरु सपना प्रधान मल्ल र पुरुषोत्तम भण्डारीको संयुक्त इजलासले विदेश बस्ने नेपालीलाई भोट राख्ने कानुनी वातावरण बनाउन आदेश गरेको हो ।
काठमाडौँ, ९ चैत, — रोजगारको लागि देश छोडी विदेश बस्ने नेपालीलाई भोट राख्ने वातावरण गराउन सर्वोच्च अदालतले आदेश दिएको छ । विदेशमा बस्ने नेपालीहरूका लागि पनि मतदानको अधिकार सुनिश्चित गर्न सर्वोच्चले सरकारका नाममा निर्देशनात्मक आदेश जारी गरेको हो ।
न्यायाधीशहरु सपना प्रधान मल्ल र पुरुषोत्तम भण्डारीको संयुक्त इजलासले विदेश बस्ने नेपालीलाई भोट राख्ने कानुनी वातावरण बनाउन आदेश गरेको हो ।
सरकारले आदेश पालना गरी कानुन बनाएमा अबको ५ वर्षपछि हुने चुनावमा विदेश रहने नेपालीले पनि आफूले चाहेको उम्मेदवारलाई भोट दिन पाउनेछन् । कानुन बनेमा गैरआवासीय नेपालीले पनि भोट हाल्न पाउने व्यवस्था हुनेछ ।
सामाजिक न्यायका लागि कानुन तथा नीति नियम मञ्चले सर्वोच्चमा रिट निवेदन दर्ता गरेको थियो । देशबाहिर भएपनि मत दिन पाउने अधिकार सुनिश्चित हुनुपर्ने भन्दै प्रधानमन्त्री तथा मन्त्रिपरिषद् कार्यालय, संसद्, परराष्ट्र मन्त्रालय, निर्वाचन आयोगलगायतलाई विपक्षी बनाएको थियो ।
प्रतिक्रिया