विराटनगरलाई प्रदेश १ को स्थायी राजधानी बनाउन अभियान
सारांश
- काठमाडौं ।
- विराटनगरलाई प्रदेश नं १ को स्थायी राजधानी बनाउन दबाब अभियान शुरु भएको छ ।
- अस्थायी राजधानी रहेको विराटनगरमा स्थायी हुनुपर्ने अभियान चलेको हो ।
काठमाडौं । विराटनगरलाई प्रदेश नं १ को स्थायी राजधानी बनाउन दबाब अभियान शुरु भएको छ । अस्थायी राजधानी रहेको विराटनगरमा स्थायी हुनुपर्ने अभियान चलेको हो ।
विराटनगरलगायत तीन जिल्लामा प्रशासनिक केन्द्र राख्ने चर्चा चलैसँगै सरोकारवाला एक ढिक्का भएर एकै स्थानमा केन्द्र राख्नुपर्ने दबाबको पहल शुरु गरेका हुन् ।
उद्योग सङ्गठन मोरङ र मोरङ व्यापार सङ्घद्वारा संयुक्तरुपमा सुझाव सङ्कलन भएको छ । सबै किसिमले विराटनगर नै प्रदेश नं १ को स्थायी राजधानीका लागि उपयुक्त भएको निष्कर्ष निकालेका छन् ।
सहभागीले ऐतिहासिक, राजनीतिक र भौतिक संरचनालगायत सबै आधारमा स्थायी राजधानीका लागि विराटनगरको अन्य ठाउँमा विकल्प नभएको बताएका छन् ।
नेपाली काङ्ग्रेस प्रदेशसभाका प्रमुख सचेतक केदार कार्कीले विराटनगरलाई नै स्थायी राजधानी कायम गर्न आफूहरु लागिपरेको बताए ।
विराटनगर महानगरपालिका उपप्रमुख इन्दीरा कार्कीले विगतका अनुभवलाई ध्यानमा राखी विराटनगरलाई नै राजधानी घोषणा गर्नुपर्ने बताइन् ।
प्रतिक्रिया