शक्ति कपूर भन्छन् ‘श्रद्धाको विहेको कुरा वाहियात हो’

बलिउड अभिनेत्री श्रद्धा कपुर चाँडै विहे गर्न लागेको भन्ने समाचारलाई उनका पिता शक्ति कपुरले खण्डन गरेका छन् । एक न्यूज एजेन्सीले सोधेको प्रश्नको उत्तर दिदै शक्तिले भने ‘अझै चार, पाँच वर्ष श्रद्धाले विहे गर्ने कुरै छैन ।’ केही समय अघि श्रद्धा र फोटोग्राफर रोहन श्रेष्ठबीच विहे हुने समाचार भाइरल बनेको थियो ।

तर शक्तिले भने यो खबरलाई हावा भनेका छन् । यद्यपी भारतीय मिडियाका अनुसार श्रद्धा र रोहन करिब २ वर्षदेखि एक अर्कालाई डेट गरिरहेका छन् र, आगामी वर्ष दुवैले विहे गर्ने तयारी भइरहेको छ । श्रद्धाकी आमा शिवांगीले विहेको तयारी समेत गरिरहेको सञ्चारमाध्यमले उल्लेख गरेका छन् । श्रद्धासँग विहे गर्ने भनिएका रोहन बलिउडका चर्चित ग्ल्यामर्स फोटोग्राफर राकेश श्रेष्ठका छोरा हुन् ।

यतिबेला श्रद्धाको नयाँ फिल्म साहो प्रदर्शनको तयारीमा रहेको छ । साहो आगामी अगष्ट १५ प्रदर्शन हुँदैछ । एक्सन थ्रिलर फिल्म साहोमा बाहुबलीका चर्चित दक्षिण भारतीय कलाकार प्रभासले लिड रोलमा अभिनय गर्दैछन् । साहोबाहेक श्रद्धा स्ट्रीट डान्सर थ्रीमा बरुण धवन र नारा फतेहीसँग पनि अभिनय गर्दैछिन् ।

लक्ष्मी आचार्यको आयो तीज गीत फुंगालेर माइती देश
तीज धेरै दिन बाँकी रहे पनि तीज लक्षित गीत बनाउनेहर भने अहिलेदेखि तात्तिन थालेका छन् । अहिले हरेक दिनजसो रेकर्डिङ स्टुडियोमा तीज गीतको रेकर्ड गर्ने, म्यूजिक भिडियो बनाउने र सार्वजनिक गर्ने क्रमले तिव्रता पाएको छ । नाम चलेकादेखि नामै नसुनिएकासम्मका लोक गायकगायिका यतिबेला धमाधम तीज बनाइरहेका छन् ।

यसै क्रममा लोकगायिका लक्ष्मी आचार्य पनि एउटा तीज लिएर सांगीतिक बजारमा टुप्लुक्क देखा परेकी छिन् । ‘फुंगालेर माइती देश’ बोलको उनको तीज गीतमा बिष्णु न्यौपानेको शव्द तथा संगीत रहेको छ । गीतमा गायिका लक्ष्मी आफैले छमछमी कम्मर मर्काएकी छिन् ।

गायिका आचार्यले आफ्नै युट्युव च्यानलबाट सार्वजनिक गरेको गीतमा करण चैसिरको छायांकन, प्रविन भट्टको सम्पादन र मौसम हिमालीको निर्देशन रहेको छ । उत्तम कुमार कार्की यो गीतको म्यूजिक भिडियोको डिनाइनर हुन् ।

यो पनि पढ्नुस्
नाँच बलिए ९ मा अनिता हसन्दानी पनि
टेलिभिजनमा चलेकी अभिनेत्री अनिता हसन्दानी डान्स रियालिटी शो’ नाँच बलिए ‘को सिजन ९ मा आउने भएकी छिन । यो शोमा अनिता आफ्नो पति रोहित रेडिको साथमा देखिने भएकी छिन् । मिडियामा आइरहेको खबर अनुसार’ नाँच बलिए ९’ को हिस्सा बन्न अनिताले टन्नै रकम लिएकी छिन् ।

एक रिपोर्ट अनुसार टन्न पाएको रकमका कारण अनिताले यो शोका लागि नाई भन्न सकिनन् र उनले तुरुन्तै सहमति जनाइन् । उनी यो शोको सबैभन्दा धेरै रकम पाउने प्रतियोगी हुन । सलमान खानको यो शो चाँडै सुरु हुने भएको छ र ओपेनिङ एपिसोडमा रणवीर सिंह र दीपिका पादुकोण जस्ता बहुचर्चित स्टार पनि उपस्थित हुने भएका छन् ।

एकता कपूर को शो नागिन ३ मा धूम मचाउने अनितालाई अघिल्लो सिजनमा पनि उनले पाएको उच्च पारिश्रामिकका कारण शोमा सहभागिता जनाउन तयार भइन् । शोमा सहभागि हुन आफु निकै उत्साहित रहेको उनको प्रतिक्रिया छ । भारतीय सञ्चारकर्मीसँगको कुराकानीमा उनले आफुलाई डान्स एकलदमै मन पर्ने र पहिले देखि नै ‘नाँच बलिए ‘को हिस्सा बन्न चाहेको उल्लेख गरेकी छिन् ।