शिल्पीमा एल आई जि पिकनिक

काठमाडौं, १२ साउन । काठमाडौको शिल्पीको गोठाले नाटक घरमा साउन १० गते देखी नाटक एल आई जि पिकनिक प्रदर्शन भैरहेको छ ।

आशान्त शर्मा द्वारा लिखित तथा निर्देशित नाटक एल आई जि पिकनिक भर्खर माध्यामिक शिक्षा सकेर भविष्यका लागी तानाबाना बुन्दै गरेका किशोरकिशोरीको कथामा आधारित रहेको छ । यो नाटक माध्यामिक शिक्षा सकेर एकदिने पिकनिक जाने क्रममा घटेका घटनाको संगालो हो । अतितलाई अतीत मै छाडेर भविष्यलाई कता डोर्‍याउने भन्मे युवाहरुको मनोदसामा यो नाटक केन्द्रित छ ।

१७ पात्र रहेको यस नाटकमा १५ कलाकारले अभिनय गरेका छन्। नाटकमा निम्न आए हुने परिवारबाट आएका बिद्यार्थीको पिकनिक कस्तो हुन्छ भनेर देखाईएको छ । नाटकको शिर्षकमा रहेको एल आई जि को पुरा रुप लो इन्कम ग्रुप हो जसको अर्थ निम्न आए हुने समुह भन्ने हुन्छ ।

आफुले भन्न खोजेको कुरा नाटक नै रहेको, र यसमा नविन काम केहि नगरेको नाटकका निर्देशक तथा लेखक आशान्त शर्मा बताउँछन् । युवाहरुको उत्साह उमंग र उडानलाई क्रमबद्ध व्यवस्थापन गर्ने कडा चुनौती हुँदा हुँदै पनि सिक्ने सिकाउने र आफुलाई पुनः परिक्षणको लोभमा प्रस्तुती तयार भएको उनको भनाई छ ।

साउन १६ गते अर्थात आउने बुधबारसम्म चल्ने यस नाटकलाई दर्शकको राम्रो साथ मिलेको देखिन्छ ।