पर्यटन मन्त्री रवीन्द्र अधिकारीका ४ महिनामा गरेका यस्ता छन् ५९ काम !

काठमाडौं, ३ साउन । नेपाल कम्युनिष्ट पार्टी (नेकपा)को दुईतिहाइको शक्तिशाली सरकार बनेको चार महिना भएको छ । यो अवधिमा देशभर सरकारले केही काम गरेन भनेर चर्को आलोचना पनि शुरु भएको छ ।

यही आलोचनाकै बीचमा हामीले सुरू गरेका छौँ, कसरी बित्यो त सरकार र मन्त्रीहरूको चार महिना ? के साँच्चै केही काम पनि भएको छैन ? केपी ओली सरकारका एउटा सारथि, सम्पूर्ण नेपालीहरुको आशाका केन्द्रविन्दुका रुपमा रहेका संस्कृति, पर्यटन तथा नागरिक उड्डयनमन्त्री रवीन्द्र अधिकारीले के गरे ? के गर्दैछन् ? सम्पूर्ण विवरण आजको शिखरन्युज स्पेशलमा ।

रवीन्द्र अधिकारीले पदभार ग्रहण गरेपछिका प्रमुख उपलव्धिहरु

१. त्रिभुवन अन्तर्राष्ट्रिय विमानस्थललाई २१ घण्टा खुल्ला गरेर अन्तर्राष्ट्रिय बिमान सामान्यतया ४ मिनट भन्दा बढी होल्ड नहुने सुनिश्चित गरिएको छ ।
२. अन्तर्राष्ट्रिय आगमनतर्फका यात्रुहरुले बढीमा एक घण्टाभित्र Baggage Collect गर्ने व्यवस्था मिलाइएको छ ।
३. वर्तमान सरकार निर्माण हुँदा जम्मा २७ प्रतिशतमात्र काम भएको र अघि बढ्ने विषयमै विवाद रहेको गौतम बुद्ध अन्तर्राष्ट्रिय विमानस्थलको कार्य प्रगति ५० प्रतिशत पुगेको छ । योसँगै २०१९ मा विमानस्थल सम्पन्न गर्ने सुनिश्चित भएको छ ।

४. सन् २०२१ मा निर्माण सम्पन्न हुने लक्ष्य राखिएको पोखरा अन्तर्राष्ट्रिय विमानस्थलको Runway २०१९ मै सक्ने एवं बैकल्पिकरुपमा प्रयोग गर्नेगरी काम तीब्र गतिमा अगाडि बढेको छ ।
५. नेपाललाई अन्तर्राष्ट्रिय उडानका लागि थप प्रवेश मार्ग उपलब्ध गराउने बिषयमा नेपाल भारत उड्डयन प्राधिकरणबीच सहमति भएको छ । जसमा भारतबाट नेपाल आउने हालसम्म सिमराको एउटा मात्र हवाई मार्गमा अब बिराटनगर, जनकपुर, नेपालगञ्ज र महेन्द्रनगरबाट पनि नेपालमा जहाज आउन सक्ने गरी दुई देशबीच सम्झौता गरिएको छ ।
६. उडान सुरक्षा सुपरीवेक्षणको क्षेत्रमा ICAO को गम्भीर सुरक्षा चासो रहेकोमा नेपालले उडान क्षेत्रमा उल्लेख्य सुधार गरेअनुरुप ICAO ले गम्भीर सुरक्षा चासोको सूचीबाट हटाई Council President Certificate प्रदान गरेको ।

७. निजगढ अन्तर्राष्ट्रिय विमानस्थल आयोजनाको वातावरणीय प्रभाव मूल्यांकन स्वीकृत भई विमानस्थल निर्माणको पूर्व तयारी कार्य अगाडि बढको छ ।
८. रणनीतिक महत्वका आन्तरिक विमानस्थलको काम अगाडि बढेको, जस्तै इलामको फाल्गुणानन्द, गुल्मीको रेसुङ्गा, अछामको साफेबगर, विमानस्थलमा सफल परीक्षण उडान पूरा भएको र स्तरोन्नतिको काम अगाडि बढेको छ । अछामको साफेबगर पिच सम्पन्न भएको र नियमित उडानतर्फ अगाडि काम बढेको छ ।

९. देशका विभिन्न ठाउँमा रहेका विमानस्थलहरुमा रात्रिकालीन ( Night stay) गरेर त्यहाँबाट अन्तरप्रदेश र क्षेत्रीय उडान तथा पहाडी उडान हुने ब्यबस्था गरिएको छ । जस्तै, भैरहवा, नेपालगञ्ज, सुर्खेत, पोखरा, विराटनगर ।
१०. प्रदेश राजधानी सुर्खेतमा काठमाडौंबाट दैनिक नियमित उडानको ब्यबस्था मिलाइएको छ । साथै रारा जुम्ला र डोल्पा उडान सुरु गरिएको छ ।
११. अन्तर्राष्ट्रिय सेवातर्फ नेपाल एयरलाइन्सको अनलाइन बुकिङलाई थप सक्रिय बनाउने र आन्तरिकतर्फ पनि अनलाइन बुकिङको पूर्वाधार निर्माण भएको छ ।
१२. सबै विमानस्थलमा फ्री वाईफाई सेवा सुरु गर्ने उद्देश्यका साथ TIA Domestic Terminal  बाट उच्चस्तरको सेवाकार्य अगाडि बढेको छ ।

१३. २०७५ असार ७ गतेदेखि चन्द्रगढी विमानस्थल भू–उपग्रहमा आधारित उडान अवतरण प्रणाली सुरुवात भएको छ ।
१४. प्रदेश दुई सप्तरीस्थित राजविराज विमानस्थल स्तरोन्नतिसहित असार १ गतेबाट नियमित उडान सुरु भएको छ ।
१५. काभ्रेको नागीडाडामा Domestic Airport  निर्माण प्रक्रिया अगाडि बढाउन सम्भाब्यता अध्ययन गरिएको छ ।
१६. पर्वतीय पर्यटनमा दक्ष जनशक्ति उत्पादन गर्ने उद्देश्यका साथ १०+२ को पाठ्यक्रममा पर्वतारोहण अध्ययन अध्यापन सुरु गरिएको ।
१७. नारायाणहिटी दरवार संग्रहालयमा रहेको श्रीपेच प्रदर्शनीको तयारी गरिएको साथै उक्त संग्रहालयको गुरुयोजना निर्माण कार्य अगाडि बढेको छ ।
१८. जनकपुरको जानकी मन्दिरलाई विश्वसम्पदा सूचीमा सूचिकृत गर्ने कार्य अगाडि बढेको छ ।
१९. UNISCO को विश्व सम्पदा सूचीमा सूचीकृत काठमाडौँका सम्पदालाई खतराको सूचीमा पर्न दिइएको छैन ।

२०. “एक नेपाली एक विरुवा अभियान” अन्तर्गत पवित्र पशुपति क्षेत्रमा ५ हजार विरुवा रोप्ने क्रम जारी रहेको छ । र पवित्र लुम्बिनीमा पनि २५६२ वटा बिरुवा रोप्ने कार्य चलिरहेको छ ।
२१. पशुपतिस्थित वनकालीमा १०० रोपनी क्षेत्रमा फैलिएको सुन्दर बगैचा निर्माण सम्पन्न भएको छ ।
२२. पशुपति क्षेत्रलाई Beggars free Zone घोषणासहित कार्यान्वयनमा आएको छ ।
२३. सम्पदा संरक्षण अन्तर्गत भष्मेश्वर सत्तल, वनकाली सत्तल, शंकराचार्य मन्दिर पोडेपाटी पन्ध्र शिवालय सत्तल, अमरकान्तेश्वर मन्दिरसहित १३ वटा सम्पदाको निर्माण कार्य सम्पन्न भएको छ ।
२४. करिव २५ देशका बौद्ध धर्मसँग सम्बन्धित विद्वतवर्गहरुबाट लुम्बिनी तथा बौद्ध धर्मसँग सम्बन्धित कार्यपत्र प्रस्तुतिसहित २५६२ औं बुद्ध जयन्ती एवं लुम्बिनी दिवस तथा अन्तर्राष्ट्रिय बौद्ध सम्मेलन सम्पन्न गरिएको छ ।

२५. लुम्बिनीमा अन्तर्राष्ट्रिय बौद्ध ध्यान केन्द्र तथा सभागृहको सम्माननीय राष्ट्रपतिज्यूबाट शिलान्यास गरी निर्माण कार्य अगाडि बढेको छ ।
२६. लुम्बिनीको गुरुयोजना अनुरुप बाटा, ब्रिक पेभिङ्ग सिम्बोलिक पेभिलियन, वाटर सप्लाई सिस्टम लगायतका पूर्वाधार निर्माण कार्यहरु भइरहेको छ ।
२७. रानीपोखरी निर्माणमा देखिएको समस्या समाधान गर्न माननीय मन्त्रीज्यूको बिशेष पहलबाट रानीपोखरी र काष्ठमण्डपको निर्माण कार्य सुरु गरिएको छ । धरहरा निर्माणको प्रक्रिया स्वरूप ठेक्का प्रक्रिया अगाडि बढेको छ । रानीपोखरीभित्रको बालगोपालेश्वर मन्दिरको पुनर्निर्माण कार्य जारी रहेको छ ।

२८. चिनियाँ पर्यटन प्रबद्र्धन गर्ने उद्देश्यका साथ चिनियाँ भाषामा वेबसाइट सञ्चालनमा ल्याइएको छ ।
२९. सन् २०२० लाई नेपाल भ्रमण वर्ष– २०२० घोषणा गरी विषयगत समितिहरु गठन गरी कार्य प्रारम्भ भएको छ ।
३०. नेपालमा पर्यटन विश्वविद्यालय स्थापना गर्ने दीर्घकालीन सोचअनुरुपको कानुन मस्यौदा तयार पारिएको छ ।
३१. नेपाल–जापान हवाई सेवा सञ्चालन सम्झौता भएको छ । यसबाट नेपाल एयरलाइन्सका अन्तर्राष्ट्रिय उडान सुनिश्चित भएको छ ।
३२. जापान, युरोप र अन्य देशमा उडानका लागि एउटा Wide Body जहाज आइसकेको र थप आउने क्रममा रहेको छ ।
३३. वर्तमान सरकार गठन भएको १०० दिनअन्तर्गत माननीय मन्त्री रविन्द्र अधिकारीले ७३ दिनमा घोषणा गरिएका १०० मध्य ९४ वटा काम सम्पन्न भएको छ ।
३४. Nepal- India tourism Group को बैठक गरी नेपालमा जसरी भारतीय सवारी साधनहरु आउँछन, त्यसरी नै नेपाली सवारी साधनहरु भारतमा जाने गरी समानतामा आधारित सम्झौता भएको छ ।

३५. नेपाल भारत दुई देशबीच पर्यटन प्रबद्र्धनका लागि रामायण सर्किट, बुद्धिस्ट सर्किट, पर्यटन विश्वविद्यालयहरुबीच शैक्षिक कार्यक्रम आदानप्रदान गर्ने सम्झौता भएको छ ।
३६. विराटनगर विमानस्थलको उडान सुदृढीकरण र विमानस्थल स्तरोन्नतिका लागि ३२ प्रतिशत मुआब्जा वितरण सम्पन्न भएको छ र ६८ प्रतिशत चालु आर्थिक आर्थिक बर्षमा सम्पन्न हुने छ ।
३७. ऐतिहासिक पुरातात्विक सम्पदा सम्पन्न गर्ने उद्देश्यका साथ सम्पदा पुनर्निर्माण बर्षका रुपमा अगाडि बढेको छ । जसमा बसन्तपुर क्षेत्रमा भूकम्पबाट क्षतिग्रस्त लक्ष्मीनारायण मन्दिर, कागेश्वर, सरस्वती र महादेव मन्दिरसहित ऐतिहासिक हनुमानढोका दरवार गद्दी बैठक निर्माण सम्पन्न भएको छ ।
३८. स्वयंभूस्थित अनन्तपुर र किमडोल गुम्वाको पुनर्निर्माण कार्य सम्पन्न भएको छ ।
३९. खोकना मछिन्द्रनाथको पुनर्निर्माणका लागि Stone Carving को काम र चाँगुनारायणस्थित बलम्बु पाटी र छिन्नमस्ताको मन्दिर पुनर्निर्माण कार्य सम्पन्न भएको छ ।
४०. भक्तपुरको महामञ्जुश्री सत्तल कार्य सम्पन्न भएको छ । तलेजु भवानी मन्दिर अन्तिम चरणमा र सूर्यविनायक गणेश आमा मन्दिर पुनः निर्माण कार्य सम्पन्न भएको छ ।
४१. नेपालको पर्यटन प्रबद्र्धनका लागि सहकार्य गर्न थाइल्याण्ड सरकारसँग तथा श्रीलंका सरकारसँगको समझदारी (MOU) लाई अघि बढाइएको छ ।

४२. स्थलगत अनुगमनपछि पाटनको कृष्ण मन्दिर तोकिएको समयमा सम्पन गर्नेगरी निर्माण कार्य भइरहेको छ ।
४३. सर्लाही मुर्तियास्थित शिव मन्दिर, नवलपरासी सिक्रौलस्थित कैलाश आश्रम, दाङ जिल्लास्थित अम्विकेश्वरी मन्दिर लगायतका १४ वटा आयोजनाहरुको ठेक्का सम्झौता सम्पन्न गर्ने काम भएको छ ।
४४. राष्ट्रिय अभिलेखालयमा संकलित ३१००० विविध विषयका हस्तलिखित ग्रन्थहरुमध्ये ११,५५० हस्तलिखित ग्रन्थको करिव ६,५५,००० इमेजको क्याटलगिङ, ट्यागिङ गरी सफ्टवेयरमा अभिलेख कार्य सम्पन्न भएको छ ।

४५. मोरङस्थित मदन भण्डारी संग्रहालय, स्याङ्जा रामकोटस्थित गुरुङ संग्रहालय, कास्की लेखनाथस्थित कवि शिरोमणि लेखनाथ संग्रहालय, सुनसरीस्थित माझी संग्रहालयहरुको निर्माण कार्य सम्पन्न भएका छन् ।
४६. प्रसिद्ध धार्मिक पर्यटकीय स्थल मुक्तिनाथ क्षेत्रको गुरुयोजना तयार भएको छ ।
४७. दोलखा र रामेछापको सीमानामा पर्ने सैलुङमा भ्यूटावर निर्माण कार्य सम्पन्न भएको छ ।
४८. एसियाको पहिलो अपाङ्ग मैत्री पदयात्रा मार्ग (Accessible Trekking Trail) कास्कीको नौडाँडामा सञ्चालनमा आएको छ । र, गुरिल्ला ट्रेल र यार्सा ट्रेलको १०÷१० किलोमिटर पदयात्रामार्ग निर्माण कार्य सम्पन्न भएको छ ।

४९. हेलम्बु ,लामटाङ, मकालु बरुण, दोलखा क्षेत्रको पदमार्ग निर्माण कार्य सम्पन्न भएको छ ।
५०. नेपालको पूर्व–पश्चिमको हिमाली क्षेत्र जोड्ने Great Himalayan Trail (GHT) को दोलखाको जगत/टासिनाम/डालदुङ/बेदिङ ट्रेल र रसुवाको पार्वतीकुण्ड/सोमदाङ खण्डको २० किलोमिटर पदयात्रा मार्ग निर्माण सम्पन्न भएको छ ।
५१. विश्वका ५० भन्दा बढी अन्तर्राष्ट्रिय मिडिया र ब्लगरसहितको अन्तर्राष्ट्रियस्तरको हिमालयन ट्राभल मार्ट सम्पन्न भएको छ ।

५२. आन्तरिक पर्यटन प्रवद्र्धनको लागि रारा–कर्णाली पर्यटन वर्ष अभियान लगायतका अभियानहरुको प्रवद्र्धन कार्यकम चलिरहेको छ ।
५३. चालु आर्थिक बर्षभित्र पर्यटकीय आधार क्षेत्र विस्तार गर्ने उद्देश्यका साथ १०० वटा नयाँ ठाउँ छनौट बजेट व्यवस्थासहित कार्य अगाडि बढेको छ ।
५४. सातवटै प्रदेशमा एक÷एक वटा नमूना पर्यटकीय गन्तव्यस्थल विकासको लागि विस्तृत आयोजना प्रतिवेदन (DPR) निर्माण गरिएको छ ।
५५. सातवटै प्रदेशहरुको संस्कृति र पर्यटकीय सम्पदाहरु झल्किने गरी Short Video बनाई Lunch गरिएको छ ।

५६. निजगढ अन्तर्राष्ट्रिय विमानस्थलको वातावरणीय परीक्षण प्रतिवेदन स्वीकृत गरिएको छ ।
५७. CAANले गरेको Air router को सहमति
५८. त्रिभुवन International तथा Domestic विमानस्थलको स्त्तरोन्नति कार्य लक्ष्य अनुरुप प्रगति प्राप्त भएको छ ।
५९. अन्तर्राष्ट्रिय उडानमा हुने यात्रु ब्यागेज तथा कार्गोको सुरक्षा सम्बन्धी नियम समेटिएको Montreal Convention नेपाल सरकार मन्त्रिपरिषद्बाट स्वीकृत भएको छ ।