सत्यमोहन जोशीले आज १०० वर्षमा टेके, महानगरले दियो सार्वजनिक विदा

काठमाडौं । शताब्दी पुरुष सत्यमोहन जोशी आज सोमबारदेखि ९९ वर्ष पूरा भई १ सय वर्षमा लागेका छन् ।

जोशी सय वर्षमा टेकेको अवसरमा सम्मान गर्दै ललितपुर महानगरपालिका र गोदावरी नगरपालिकाले सार्वजनिक बिदा दिने घोषणा गरेका छन् ।

महानगरपालिकाकाले जोशी देशकै एक अनमोल रत्न भएकाले महानगरले सोमबार बिदा दिने तथा उनका नाममा उद्यान र सडक निर्माण गरिने निर्णय भएको बताएको छ ।

ललितपुर महानगरपालिका र नगरपालिकाका कार्यालय, वडा कार्यालयका साथै त्यहाँका सम्पूर्ण शैक्षिक संस्था र अन्य संघसंस्थामा सार्वजनिक बिदाको घोषणा गरिएको सूचनामार्फत जानकारी गराइएको छ।

पाटन, बखुम्बहालका जोशीको शताब्दी जन्मोत्सगका उपलक्ष्यमा महानगरले यस वर्षभरि नै विभिन्न कार्यक्रम पनि आयोजना गर्ने भएको छ। गत वर्ष नै महानगरपालिकाले उनलाई एक सुरक्षाकर्मी, मोबाइल र सवारी साधन प्रदान गरेको थियो।