सरकारको धरपकडप्रति कांग्रेसको आपत्ति
सारांश
- काठमाडौं।
- शान्तिपूर्ण प्रदर्शनका क्रममा आफ्ना विद्यार्थी नेताहरु नियन्त्रणमा लिई फौजदारी मुद्दा चलाइएको भन्दै नेपाली कांग्रेसले गम्भीर आपत्ति जनाएको छ।
- सरकारका जनविरोधी कदम विरुद्ध पोखरामा भएको शान्तिपूर्ण विरोध प्रर्दशनका क्रममा नेपाल विद्यार्थी संघका परशुराम बस्नेत, डिफान भुजेल र विनय पौडेललाई नियन्त्रणमा लिई फौजदारी मुद्दा चलाइएकोमा कांग्रेसले गम्भीर आपत्ति जनाएको हो।
काठमाडौं। शान्तिपूर्ण प्रदर्शनका क्रममा आफ्ना विद्यार्थी नेताहरु नियन्त्रणमा लिई फौजदारी मुद्दा चलाइएको भन्दै नेपाली कांग्रेसले गम्भीर आपत्ति जनाएको छ।
सरकारका जनविरोधी कदम विरुद्ध पोखरामा भएको शान्तिपूर्ण विरोध प्रर्दशनका क्रममा नेपाल विद्यार्थी संघका परशुराम बस्नेत, डिफान भुजेल र विनय पौडेललाई नियन्त्रणमा लिई फौजदारी मुद्दा चलाइएकोमा कांग्रेसले गम्भीर आपत्ति जनाएको हो। बुधबार केन्द्रीय कार्यालय सानेपामा बसेको केन्द्रीय कार्यसमिति बैठकले प्रहरी नियन्त्रण रहेका विद्यार्थी नेताहरुलाई तत्काल रिहाई गर्न पनि माग गरेको छ।
त्यसैगरी गत सोमबार धनुषाको सबैया नगरपालिका वडानम्बर १० खरियानी टोलका पार्टी सदस्य उमेश कापडीमाथि कम्युनिष्ट पार्टीका कार्यकर्ताले सांघातिक हमला गरेको भन्दै बैठकले आक्रमणमा संलग्न दोषीमाथि कडा कारवाहीको माग गरेको छ। कांग्रेसले प्रर्दशन सकिएपछि भएको आक्रमणलाई गम्भीर रुपले लिएको जनाएको छ। घाइते कापडीको अहिले विराटनगरमा उपचार भइरहेको छ।
यसैबीच गत सोमबार राष्ट्रव्यापी प्रर्दशनमा भएको लाखौको सहभागीताप्रति आभार प्रकट गर्दै छोटो समयमा भव्य प्रर्दशन गर्न सफल भएकोमा बैठकले सबै जिल्लाको पार्टी पक्तिलाई बधाई दिएको छ ।
बुधबारको बैठकमा नेताहरु रामचन्द्र पौडेल, उपसभापति विमलेन्द्र निधी, महामन्त्री पूर्ण बहादुर खड्का, केन्द्रीय सदस्यहरु कृष्ण प्रसाद सिटौला, महेश आचार्य, बालकृष्ण खाँड, डाक्टर नारायण खड्का, डाक्टर मिनेन्द्र रिजाल, आनन्द प्रसाद ढुंगाना र मोहन बहादुर बस्नेतले धारणा राखेका थिए।
यसैबीच नेपाल विद्यार्थी संघको वर्तमान कार्यसमितिका बारेमा भने नेताहरुबीच मत बाझिएपछि बैठकले कुनै निर्णय गर्न सकेन।
कुल कमेन्ट:
0
Shikhar Khabar
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया