सरकार र विप्लव समूह बीचको वार्ता के हुँदैछ ?

काठमाडौं। सरकारद्वारा प्रतिवन्धित विप्लव समूहले वार्ताका लागि सरकारको औपचारिक पत्रको पर्खाइमा रहेको बताएको छ। तर सरकारले भने सो समुहलाई औपचारिक पत्र पठाउनुको साटो अनौपचारिक छलफल मात्रै गरेको छ। दुई पक्षबीच अनौपचारिक रूपमा छलफल भए पनि आधिकारी रूपमा पत्राचार नगरेपछि विप्लव समूहले वार्ताको भ्रम छर्ने काम सरकारबाटै भएको आरोप लगाएको छ।

‘हामी राजनीतिक रूपमा निकास दिनका लागि वार्तामा बस्दै नबस्ने भन्ने पक्षमा छैनौं,’ विप्लव समूहका एक नेताले भने, ‘तर, सरकारले आधिकारिक रूपमा वार्ताका लागि पत्र पठाएको नै छैन।’ सरकारले वार्ताका लागि कुनै शीर्ष नेतृत्वसँग छलफल नगरेको बताउँदै एक केन्द्रीय नेताले केही स्थानीय तथा जनवर्गीय संगठनका नेतासँग वार्ताको वातावरण तयार पार्न छलफल गरेको जानकारी दिए।

यद्यपि सरकारले आफूहरूसँग वार्ताका लागि कुनै औपचारिक पहल भने नगरेको उनको दाबी छ। वार्ताका लागि विप्लव समूहले आफूहरूमाथि लगाइएको प्रतिबन्ध बिनासर्त खारेज गरिनुपर्ने, मुलुकको विभिन्न स्थानबाट पक्राउ परेका नेता कार्यकर्ताहरूलाई बिनासर्त रिहाइ गर्नुपर्ने माग अघि सारेको छ। यसैगरी उसले निःशस्त्र रूपमा राजनीतिक गतिविधि गर्नबाट आफूहरूलाई रोक्न नहुने माग अघि सारेको छ।

सरकारले यसअघि वार्ता गर्नका लागि आह्वान गर्दै बोलाए पनि आफूहरूलाई आधिकारिक पत्र नै नआएको बताउँदै विप्लव पक्षले अस्वीकार गर्दै आएका थिए। गत २७ फागुनको मन्त्रिपरिषद् बैठकले विप्लव नेतृत्वको समूहलाई राजनीतिक समूह नभई आतंकारी समूहका रूपमा परिभाषित गरी प्रतिबन्ध लगाएको थियो।

विप्लव समूहका पोलिटब्युरो सदस्य ओमप्रकाश पुनले भने अहिलेको अवस्थामा वार्ताको कुनै सम्भावना नरहेको दाबी गरे। विप्लव समूहले कुनै समस्या समाधान गर्ने नाममा वार्ता गर्नेभन्दा पनि राजनीतिक रूपमा नै परिवर्तन गर्ने गरी वार्ता अघि बढाउने विषयमा सरकार तयार हुनुपर्ने धारणा बाहिर ल्याएको छ । उसले वैज्ञानिक समाजवादको विषयमा सरकार छलफल गर्न तयार भएमा वार्ता हुने स्पष्ट पारेको छ । उसले प्राविधिक विषय देखाएर अहिलेको व्यवस्थालाई मान्य हुने गरी आफूहरू वार्तामा नबस्ने स्पष्ट पारेको छ ।

अमेरिकी ग्रीनकार्ड होल्डरका छोराछोरी र दम्पत्तिको ग्रीनकार्ड बन्न कति समय लाग्छ ?
ग्रीनकार्ड वाहकका २१ बर्ष मुनीका छोराछोरी र दम्पत्तिले ग्रीनकार्ड प्राप्त गर्नका लागि आई १३० आवेदन दिनुपर्ने हुन्छ । यदि यो आवेदन स्वीकृत भएमा छोराछोरी र दम्पत्ति अमेरिकामा रहेकाहरुका सन्दर्भमा आई ४८५ फाइल गरेर ग्रीनकार्ड प्राप्त गर्न सकिन्छ भने अमेरिका बाहिर रहेकाहरुका सन्दर्भमा नेशनल भिसा सेन्टरमार्फत दूतावासबाट आप्रवासी भिसा प्राप्त गर्न सकिन्छ ।

अमेरिकाबाहिर छोराछोरीहरु र दम्पत्ति हुनेहरुका सन्दर्भमा युएससीआईएसमा आई १३० आवेदन स्वीकृत भइसकेपछि नेशनल भिसा सेन्टरमा पठाइन्छ र भिसा उपलब्ध हुनासाथ उक्त आवेदन नेशनल भिसा सेन्टरले प्रकृयामा लैजान्छ । अमेरिकामा हुनेहरुका सन्दर्भमा भने भिसा उपलब्ध भएपछिमात्र आई ४८५ फाइल गर्नुपर्छ र युएससीआईएसले उक्त आवेदनबारे निर्णय गर्छ ।

अहिलेको सन्दर्भमा आई १३० आवेदन स्वीकृतका लागि लाग्ने अवधि सर्भिस सेन्टर अनुशार फरकफरक रहेको छ । क्यालिफोर्निया सर्भिस सेन्टरमा ग्रीनकार्ड बाहकका २१ बर्ष मुनीका छोराछोरी र दम्पत्तिका लागि आई १३० आवेदन स्वीकृत हुन १९ महिनादेखि २५ महिनासम्म लाग्ने गरेको छ । तर नेब्रास्का सर्भिस सेन्टरमा भने ११ महिनादेखि १५ महिनासम्म लाग्ने गरेको छ ।

त्यस्तै टेक्सास सर्भिस सेन्टरमा एकसातादेखि ७ महिनासम्म लाग्ने गरेको छ । तर भर्मोन्ट सर्भिस सेन्टरमा भने ५ महिनादेखि ७ महिनासम्म लाग्ने गरेको छ । आई १३० स्वीकृत भइसकेपछि जुलाई महिनाका लागि सबै स्वीकृत हुनेहरुका लागि भिसा उपलब्ध रहेको छ । तर यस अगाडि भिसा उपलब्ध हुन आवेदन दिएको मितिले झण्डै २ बर्ष कुर्नुपर्ने अवस्था कायम रहेको थियो ।

१५० मेगावाट बिजुली भारत बिक्रि
नेपालले तल्कालका लागि बिजुली भारत निर्यात गरेको छ । लगातरको वर्षाका कारण कुलेखानी जलाशययुक्त अयोजना भरिएको र तराईमा बाढीका कारण बिजुली आपूर्ति अवरोध भएपछि बढी भएको भारत निर्यात गरिएको हो । विगत तीन दिनयता दैनिक एक सय ५० बिजुली निर्यात गरिएको ऊर्जामन्त्री वर्षमान पुनले जानकारी दिए । यससँगै नेपालले इनर्जी बैंकिङको सुरुवात गरेको मन्त्री पुनले बताए ।

मन्त्रालयमा मंगलाबार आयोजना गरिएको पत्रकार सम्मेलनमा मन्त्री पुनले भने, ‘बाढीले तराईमा बिजुलीको माग घटेकाले यो समयमा हामीलाई बढी भएको बिजुली भारत पठाएको हौं ।’ कुसाहा–कटैया प्रसारणबाट ११० मेगावाट र रक्सौल–परवानीपुरबाट ५० मेगावाट गरी कुल १५० मेगावाट बिजुली निर्यात भएको मन्त्री पुनले बताए । उनका अनुसार यी दुई प्रसारण लाइनका विभिन्न सातवटा विन्दुबाट बिजुली भारत पठाइएको हो । बुधबारदेखि भने तराईमा विद्युत् आपूर्ति नियमित भइ माग बढेपछि भारत निर्यात रोकिनेछ ।

बाढीका कारण तराईमा विद्युतको माग घटेपछि नेपालले विगत तीन÷चार दिनदेखि दैनिक १५० मेगावाट बिजुली भारत निर्यात गरेको पनि उल्लेख छ । नेपालले बढी हुँदा बिजुली निर्यात गर्ने र आवश्यक पर्दा ल्याउने गरी गरिएको इनर्जी बैंकिङको सदुपयोग भएको ऊर्जा सचिव दिनेश घिमिरेले बताए ।

घिमिरेले भने आवश्यकताअनुसार भारतबाट ल्याउने र बढी हुँदा पठाउने सर्तअनुसार नै हामीलाई बढी भएको बेला पठाएको हो । अब तराईका क्षेत्रमा बिजुली आपूर्ति हुन थालेपछि हामीलाई नै नपुगेर उतैबाट ल्याउनुपर्ने भएकोले निर्यात गर्न नसकिने जानकारी पनि घिमिरेले दिए । नेपालले यस अघि पनि सीमा क्षेत्रबाट बिहारमा बढी भएको बिजुली पठाउने र आवश्यक पर्दा ल्याउने गरिरहेको छ ।

मन्त्री पुनका अनुसार लगातारको वर्षाले जलाशययुक्त आयोजना कुलेखानीको सतह १५ सय २७ मिटर पुगेको छ । यसको क्षमता १५ सय ३० मिटर मात्रै हो । यो आयोजना भरिएपछि ९२ मेवागाटको यो आयोजना २४ सै घण्टा पूर्णक्षमतामै सञ्चालन भइरहेको छ । कुलेखानी भरिएपछि यसबाट हुने पूर्ण क्षमताको बिजुली उत्पादनले पनि हामीलाई धेरै भएको समयमा बिजुली निर्यात गर्न सहयोग पुगेको उल्लेख छ ।

विद्युत् आपूर्ति अवरुद्ध भएका क्षेत्रमा बुधबारसम्म मर्मत सकेर सञ्चालनमा ल्याइने भएको छ । १२ सय मेगावाट माग भइरहेको बिजुलीमा माग घट्दा निर्यात भए पनि अब माग बढेसँगै निर्यात नहुने पनि मन्त्रालयले जानकारी दिएको छ ।

कोहली, धोनी र शास्त्रीको विकल्प खोज्न थाल्यो बीसीसीआई
आईसीसी विश्वकप क्रिकेटको सेमिफाइनलबाट भारत बाहिरिएपछि उसको विश्वकप जित्ने सपना सकिएको थियो । विश्वकपको उपाधि इंग्ल्याण्डले जितिसकेको छ ।

विश्वकपलगत्तै अब भारतले वेस्ट इण्डिजविरुद्धको सिरिज खेल्दैछ । सिरिज अगाडि विराट कोहलीको कप्तानी पद धरापमा पर्ने आकलन गरिएको छ भने महेन्द्रसिंंह धोनी टिममा नपर्ने सम्भावना रहेको खबर भारतीय सञ्चारमाध्यमहरुले लेखेका छन् । यस्तैमा प्रशिक्षक रवि शास्त्रीको कार्यकाल नलम्बाउने पक्षमा बीसीसीआई रहेको बुझिएको छ ।

बीसीसीआईले नयाँ प्रक्रियाबाट प्रशिक्षक चयन गर्ने तयारी गरेपछि अब रवि शास्त्रीले पनि फेरि प्रशिक्षक हुन चाहेमा आवेदन दिनुपर्ने छ । विश्वकपपछि शास्त्रीको ४५ दिन कार्यकाल थप गर्ने पहिला घोषणा गरिएको थियो । त्यसैका आधारमा शास्त्री वेस्ट इण्डिज सिरिजसम्म रहने छन् ।

अहिले बीसीसीआईले ब्याटिङ, बलिङ र फिल्डिङ कोचका लागि आवेदन माग गरे पनि उनीहरुको कार्यकाल पनि ४५ दिन थप गरिएको छ । त्यसपछि सबै नयाँ प्रक्रियाबाट शुरु हुने बीसीसीआईका अधिकारीले बताएका छन् ।

ओशो कसरी बने ९० वटा रोल्स रोयस कारको मालिक ?
रजनिश ओशो आफ्नो जमाना चर्चित व्यक्तित्व हुन् । चर्चासँगै विवादले पनि पछ्याएका उनका संसारभर नै अनुयायी छन् । उनको निधन भएको लामो समय भइसक्यो । यद्यपी अहिले पनि विभिन्न मुलुकमा आश्रम खोलेर उनका विचारहरुको अनुशरण गर्नेहरुको संख्यामा बृद्धि भइरहेकै छ । ओशोका नेपालमा पनि थुप्रै अनुयायी रहेका छन् । काठमाडौँका विभिन्न स्थानमा ओशो आश्रमहरु रहेका छन् ।

विभिन्न कारणले चर्चासँगै विवाद पनि पनि फकेका ओशोसँग ९० रोल्स रोयस कार थियो भन्दा सायद विश्वास गर्न गाह्रो पर्ला । तर यो सत्य कुरा हो । ओशोको अनुयायीहरु उनलाई महँगा महँगा उपहारहरु दिने गर्थे । उनी आफ्ना अनुयायीहरुले उपहार दिएका कार सहर्ष स्वीकार गर्थे । उपहार पाएर नै उनीसँग भएको ९० रोल्स रोयस कार जम्मा भएका थिए ।

ओशो पनि गर्वका साथ आफ्ना भक्तजनहरुले चाहेको खण्डमा जति पनि कार दिन सक्छन् भन्ने अभिव्यक्ति दिदै हिड्थे । उनको भित्रि चाहना थियो आफुसँग ३६५ वटा रोल्स रोयस कार होस् र हरेक दिन अलग अलग कारमा यात्रा गर्न पाइयोस् । यस्तो अभिव्यक्ति उनी खुल्लमखुल्ला व्यक्त गर्थे । अनुयायीले कार उपहार दिनुलाई उनी सायद गौरव महशुष गर्थे होला ।

ओशोको जन्म ११ डिसेम्बर १९३९ मा भारत मध्यप्रदेशको रायसेन जिल्लामा भएको थियो । उनको प्रवचन सुनेर ठूलो संख्यामा युवा पूस्ता मोहित बन्थ्यो । सन् १९६८ मा उनको सबै प्रवचनलाई जोडेर एउटा किताब प्रकाशन गरेका थिए जसको नाम ‘सम्भोग से समाधि की और’ राखिएको थियो । जसको कारण ओशो अझ बढी विवादमा फसे ।

ओशोले विश्वका विभिन्न मुलुकमा पुगेर आफ्नो अनुयायी बनाए । उनका अनुयायीहरुका लागि संसारका धेरै स्थानमा आश्रम खोलिएको थियो । ओशोले भारतमा पहिलो ध्यान केन्द्र सन् १९६२ मा शुरु गरेका थिए । नशालु पदार्थमा लागेको आरोपको कारण ओशोलाई १९८५ मा जर्मनमा गिरफ्तार गरिएको थियो । ओशोलाई विश्वको कुल २१ देशमा प्रवेश निषेध गरिएको छ ।

शिल्पाले मागिन् डिभोर्स, छबिले लेखे यस्तो स्टाटस
छवि शिल्पा सम्बन्ध चिसिएको केही दिनपछी शिल्पा एक अन्तरबार्तामा देखिईन । त्यस अन्तरबार्तामा शिल्पा लगभग अन्तरबार्ता भरिनै रोईन । उनले आफ्नो पीडा सबै पोखिन । उनी बारम्बार अन्तरबार्ता भरी नै म कति पीडामा छु त्यो मलाई मात्र थाहा छ भन्दै थिइन् । उनका अनुसार धेरै समय देखि उनले यस्तो पीडा भोगेकी थिईन । यस झगडामा कुनको कानको जाली फुट्ने गरि हानेको आरोप छवि माथी छ ।

छवि भने यो कुरालाई स्विकार्दैनन तर शिल्पालाई डाक्टरले केही दिन स्पिकर बजेको स्थान नजिक नबस्न सुझाव दिएका छन । उनले अन्र्तवार्तामै आफुले डिर्भोस दिएको समेत खुलाएकी छन् । निर्माता ओझाको छवी पछिल्लो समय धुमलिएको छ । उनको छवि फिल्मसँग सम्बन्धित विषयले भन्दा पनि घरेलु समस्याका कारण धुमिलिएको हो ।

यसअघि पनि पटक पटक वैवाहिक जीवनमा धोका बेहोर्दै आएका निर्माता ओझाको चौथो विहे पनि यतिवेला संकटमा परेको छ । यही विषयलाई लिएर छवीले प्रहरीमा गएर शील्पासँग मिलापत्रको कागज समेत गरिसकेका छन् । यद्यपि, मिलापत्र भए पनि छवी र शील्पा यतिवेला सँगै थिएनन् । उनीहरु अलग अलग बस्दै आएका थिए । ।

यस बिषयमा शिल्पाको अन्तरबार्ता आएको केही समय पछाडि नै छबिले आफ्नो फेसबुक मार्फत शिल्पालाई सम्बोधन गर्दै एउटा लामो सन्देश र स्टाटस लेखेका छन । छबिले फेसबुकमा लेखेको स्टाटस यस्तो छ ।

शिल्पा जि, मैले ५२ बर्षको उमेरमा ३ जना श्रीमती सङ सम्बन्ध बिच्छेद भईसकेपछि तपाईं सङ चाहिँ जिन्दगि बिताउन सक्छु होला भनेर जिन्दगिका सब थोक कम्प्रमाइज गरेर माया गरेर बिहे गरेको श्रीमती हो तपाईं ।

छातिमा हात राखेर आज एक्छिनलाई आफैलाई नढाटी सम्झनुस तपाइले लगाएका कति आरोपहरु सत्य छन ? यदि तपाईं पनि आफुलाइ सच्याएर अझै मेरो श्रीमती, तपाइले बिहे गर्ने बेलामा आस्वासन दिलाए जस्तै मेरो बुढेसकालको सहारा बनेर बस्न सक्नुहुन्छ भने, म पनि मेरा कमि कमजोरीहरु सच्याएर गान्धीबादी भएर बस्न सक्छु । अरुको कुरा नसुन्नुस, आउनुस हाम्रो घरको ढोका सधै तपाईंको लागि खुल्ला छ । हैन र यदि तपाइ साच्चै म सङ बस्न सक्नु हुन्न भने पनि एक पटक म सङै आएर टेबलमा कुरा गर्नुस ।

मेरो ईतिहास पल्टाएर हेर्नुस आज सम्म मैले कुनै पनि श्रीमतिलाई अन्यायमा पारेको छैन । तपाइलाइ पनि पार्दिन । मैले बिगत ३ दिन देखि तपाइलाइ सम्पर्क गरेर भेट्न खोज्दा पनि तपाइलाई अब मेरो वकिलले भेट्छ भन्नू भयो । म फेरि पनि भन्दैछु, सन्सारको कुनै पनि अदालतमा जानू पर्दैन । छबी ओझाको अदालतमा सिधै आउनुस । तपाइले न्याय पाउनु हुन्छ । शुभरात्री ।

साउनको दोस्रो साता मन्त्री हेरफेरको तयारी, धेरै मन्त्रीहरुको पद धरापमा !
नेपाल कम्युनिष्ट पार्टीको एकता प्रक्रिया टुंगो लागेपछि सरकारमा व्यापक हेरफेर हुने भएको छ । पार्टीको महत्वपूर्ण जिम्मेवारी कस्ले पाउनेबारे साउनको पहिलो हप्ता टुंगो लाग्ने निश्चितप्रायः भएपछि लगत्तै मा जिम्मेवारी हेरफेर र परिवर्तन हुने भएको हो ।

नेकपा अध्यक्ष समेत रहेका प्रधानमन्त्री केपी शर्मा ओली र अर्का अध्यक्ष प्रचण्डले पार्टीको महत्वपूर्ण विभागहरुमा भागवण्डाको सहमति बनाउँदै गर्दा मन्त्रिमण्डलमा परिवर्तन र हेरफेरमा समेत सहमति बनाएको बुझिएको छ । मन्त्रिमण्डलमा व्यापक परिवर्तन गर्ने सहमति भएपनि कस्लाई के जिम्मेवारी दिने टुंगो लगाइनसकिएको अध्यक्ष प्रचण्ड निकट स्रोतले बतायो ।

ओली र प्रचण्डबीचको छलफलमा सरकारको कामकारबाही र मन्त्रिहरुको कार्यशैलीको समेत समीक्षा भएको छ । सरकारलाई प्रभावकारी बनाउन मन्त्रिहरुको परिवर्तन र जिम्मेवारी हेरफेर आवश्यक रहेको निष्कर्षमा ओली र प्रचण्ड दुवै पुगेका छन् ।

विश्वस्त स्रोतका अनुसार ओली सरकारमा जिम्मेवारीको व्यापक हेरफेर गर्न चाहन्छन् । उनले त्यसको संकेत पछिल्लो मन्त्रिपरिषद् बैठकबाट दिइसकेका छन् ।

यसपटक सरकारका अधिकांश मन्त्रिहरुको पद धरापमा परेको छ । तरकारीको विषादी परीक्षणको विषयले कृषिमन्त्री चक्रपाणि खनाल र आपूर्ति, वाणिज्य तथा उद्दोगमन्त्री मातृका यादवको कार्यशैलीमा प्रश्न उठाइएको छ । अबको परिवर्तनमा दुवै मन्त्री तारोमा पर्न सक्छन् ।

वनमन्त्री शक्ति बस्नेत अघिल्लो मन्त्रिपरिषद् बैठकमा सहभागी समेत भएनन् । उनको पद पनि धरापमा परेको छ । विश्वस्त स्रोतका अनुसार सञ्चारमन्त्री गोकुल बाँस्कोटा सरकारमै रहिरहने भाग्यमानी मन्त्रीमा पर्छन् । उनलाई अर्को मन्त्रालयको जिम्मेवारी दिनेबारे समेत ओलीले आन्तरिक छलफल चलाएका छन् ।

गृहमन्त्री रामबहादुर थापा बादललाई हटाउन प्रचण्ड पक्षका केही नेताहरु सक्रिय छन् । तर, थापालाई ओलीको साथ रहेकाले हटाउन मुश्किल पर्छ ।

ओली सामान्य प्रशासनमन्त्री लालबाबु पण्डितप्रति पनि सकारात्मक छैनन् । पण्डितले बढी हल्ला मच्चाएको तर काम गर्न नसकेको आरोप भोग्दै आएका छन् ।
भूमिसम्बन्धि विधयेक ल्याउँदा विवादमा परेकी भूमिसुधारमन्त्री पद्मा अर्यालको पद पनि धरापमा छ । भौतिकमन्त्री रघुवीर महासेठलाई पनि सजिलो छैन । अर्थमन्त्री डा.युवराज खतिवडा पनि हेरफेर वा परिवर्तनमा पर्न सक्छन् ।

ऊर्जा मन्त्री वर्षमान पुन अन्य मन्त्रालय पाउन इच्छुक छन् । उनलाई पनि सरकारमा जान नदिने चलखेल भइरहेको छ । खानेपानीमन्त्री विना मगर पनि विवादमा मुछिइन् । उनको कार्यकालमा मेलम्ची खानेपानीको पुनः ठेक्का आव्हान गरिएको छ । विना मगरलाई प्रचण्ड स्वयंले काँध थाप्न कठिन छ ।

गोकर्ण बिष्टले पनि पदबाट हट्नुपर्ने हुनसक्छ । मलेशिया कामदार लान प्रगति गर्न नसकेपछि बिष्ट विवादमा पर्दै गएका छन् । खानेपानी मन्त्री विना मगर पनि सरकारबाट हटाइन सक्छिन् । प्रदीपकुमार सरकारमै रहने भाग्यमानीमा पर्दछन् । परराष्ट्रमन्त्रालयको जिम्मेवारी सम्हाल्दै आएका उनी ओलीका खास विश्वासपात्र हुन् ।

डेढ शताव्दी पछिको महा खण्डग्रास चन्द्रग्रहण
करिब १४९ वर्षपछि अदभूत खण्डग्रास चन्द्रग्रहण लागेको छ । नेपाली समय अनुसार १ बजेर २८ मिनेटमा चन्द्रग्रहण शुरु भएको हो । नेपाल एस्ट्रोनोमिकल सोसाइटीका अनुसार करिब दुई घन्टा ५८ मिनेटसम्म खण्डग्रास चन्द्रग्रहण लागेको थियो । १ बजेर ४६ मिनेटमा सुरु भएको खण्डग्रास चन्द्रग्रहणले चन्द्रमालाई ३ बजेर १५ मिनेटमा अत्याधिक ढाकेको थियो ।

सूर्यलाई परिक्रमा गर्ने क्रममा पृथ्वी चन्द्रमा र सूर्यको बीचमा पर्दा प्रकाश छेकिएर चन्द्रमामा छायाँ पर्दछ । भारतमा चन्द्रग्रहण २ बजेर ४६ मिनेटमा मध्य अवस्थामा पुगेको थियो । उक्त समयमा सबैभन्दा स्पष्ट चन्द्रग्रहण थियो । भारतमा ४ बजेर १५ मिनेटमा समाप्त भयो । चन्द्रग्रहण दक्षिण एशिया, अष्ट्रेलिया, यूरोप र दक्षिण अमेरिकाबाट देख्न सकिनेछ ।

खगोलविद्हरुले यो चन्द्रग्रहणलाई अदभूत भनेका छन् । गुरु पूर्णिमाकै दिन चन्द्रग्रहण पर्नु संयोग पनि भएको छ । निल आर्म स्ट्रङले चन्द्रमामा पाइला टेकेको हिजोकै दिन हो । आजभन्दा ठीक ५० वर्ष अघि पहिलोपटक चन्द्रमामा मानव पाइला परेको थियो । हिन्दु धर्ममा चन्द्रग्रहणका क्रममा सुतक परेको मानिन्छ । यस समयमा शुभकार्य गर्न नहुने धार्मिक धारणा छ ।

साउन १ गते बुधबारको राशीफल यस्तो छ
मेष

मेष (चु, चे, चो, ला, लि, लु, ले, लो, अ) मित्र वा आफन्तको सहयोग मिल्नेछ । बौद्धिकताको विकास हुनेछ । मिष्ठान्न भोजन प्राप्ति होला । साथी भाईको भेटघाटले मन प्रफुल्ल रहला ।

मिथुन

मिथुन (का, कि, कु, घ, ङ, छ, के, को, हा) नयाँ योजना कार्यान्वयनमा ल्याउन मुस्किल पर्नेछ । यात्रामा मालसामान हराउन सक्छ । सौन्दर्यतामा धन खर्च हुनेछ । चोटपटक लाग्न सक्छ ।

सिंह

सिंह (मा, मि, मु, मे, मो, टा, टि, टु, टे) छोटो दुरीको लाभदायक यात्रा रहला । प्रेमसम्बन्ध र प्रणयप्रसङ्गका लागि श्रेष्ठ समय रहेकोछ । धनार्जन हुनेछ । वैदेशिक कार्य अघी बढ्नेछ ।

तुला

तुला (रा, रि, रु, रे, रो, ता, ति, तु, ते) प्रेममा मनमुटावका साथै मन कमजोर रहनेछ । मानसिक चिन्ता बढ्नेछ । यात्रामा मालसामान हराउन सक्छ । घरायसी झमेलामा परिएला ।

धनु

धनु (ये, यो, भा, भि, भु, धा, फा, ढा, भे) कार्य्सिद्धि हुने अवसर मिल्नेछ । विद्या र बुद्धिको विकास हुनेछ । नयाँ–नयाँ ज्ञान सिक्ने मौका मिल्नेछ । राजनैतिक कार्यमा सफलता मिल्नेछ ।

कुम्भ

कुम्भ (गु, गे, गो, सा, सि, सु, से, सो, दा) कलहको योग भएकाले कसैसँग बोल्दा वा ठट्टा गर्दा सतर्कता अपनाउनुहोला । आर्थिक क्षेत्रमा सङ्कट आउला । मुद्दा मामिला आइलाग्नेछ ।

बृष

वृष (इ, उ, ए, ओ, वा, वि, वु, वे, वो) धर्म,कर्म तथा समाज सेवामा मन लाग्नेछ । दिगो फाइदा हुने काम प्रारम्भ गर्न सकिनेछ । रमणीय र सुखद् यात्राको योग छ ।

कर्कट

कर्कट (हि, हु, हे, हो, डा, डि, डु, डे, डो) रोजगारको अवसर मिलनेछ । राजनैतिक कार्यमा सफलता मिल्नेछ । बन्धु बान्धवबाट विशेष सहयोग मिल्नेछ । पारिवारीक सुख रहला ।

कन्या

कन्या (टो, पा, पि, पु, ष, ण, ठ, पे, पो) धार्मिक तथा समाजसेवामा मन लाग्नेछ । नसोचेको ठाउँ बाट धन हात पर्नेछ । परिश्रम गर्दा धनार्जन हुनेछ । नयाँ काम वा रोजगार पाईनेछ ।

बृश्चिक

वृश्चिक (तो, ना, नि, नु, ने, नो, या, यि, यु) महिला वा मित्रबाट विशेष सहयोग मिल्नेछ । शैक्षिक क्षेत्रमा सफलता मिल्नेछ । भाग्योदय हुनेछ । पठनपाठनमा प्रगति हुनेछ ।

मकर

मकर (भो,जा,जि,जु,जे,जो,ख,खि,खु,खे,खो,गा,गि) आफ्नै दक्षतामा विभिन्न कार्यहरू सम्पन्न हुुनेछन् । नयाँ नयाँ क्षेत्रमा लगानीको अवसर मिल्नेछ । व्यापार व्यसायबाट लाभ मिल्नेछ ।

मीन

मीन (दि, दु, थ, झ, ञ, दे, दो, चा, चि) लाभदायक यात्रा रहनेछ । घरमा अतिथीको आगमन हुनेछ । नजिकको व्यक्तिको सहयोगबाट कार्य पुरा हुनेछ । नयाँ कार्यको थालनी होला । ( ज्यो.प. नारायणप्रसाद दुलाल)

यी ४ राशीका मान्छे हुन्छन् धनी
वृष राशीः वृष राशी हुने व्यक्तिहरु जसले आफुमाथि आएको अवसरलाई सहिरुपमा सदुपयोग गर्न सक्यो भने धनको वर्षा नै लाग्ने ज्योतिष विज्ञानले बताएको छ । यो राशीको स्वामी शुक्र हुने भएकाले वृषमा शुक्रको प्रभाव बढी देखिने भएको छ । शुक्र ग्रहलाई धन, वैभव, रोमान्स र विलासिताको कारक मान्ने गरिन्छ। त्यसैले गर्दा वृष राशि हुने व्यक्तिले जहिले पनि वैभवका साथ जीवन बिताउने गर्छन् । यी राशी भएका व्यक्तिलाई धनी बन्ने अवसरहरु कयौँ आउने गर्छन् ।

वृश्चिक राशीः सबै प्रकारका गुणले भरिपुर्ण भएको यो राशी धनि हुने दोस्रो नम्बरमा आउने गर्छ । यो राशी भएका मानिसरु आफ्नो मन परेको कुरा लिनको लागि जहिल्यै पनि तयार हुने गर्छन् । उनीहरु भौतिक सुख सुविधाको निकै लालस गर्ने भएकाले जुन कुरा प्राप्त गर्नको लागि धेरै मेहनत गर्नु पर्ने हुन्छ ।

कर्कट राशीः यो राशी भएका मानिसहरु भौतिक सुख सुविधा र आरामको लागि निकै जुझारु हुने गर्छन् । उनीहरु जति लालहित हुने गर्छन् त्यतिकै भाग्यलेपनि साथ दिने गर्छ । त्यसकारण उक्त राशी भएका मानिसमा धनि बन्ने सबै गुणहरु प्राप्त हुन्छन्।

सिंह राशिः सिंह जस्तै शक्तिशाली हुने भएकाले सिंह राशी भएका मानिसहरु धन कमाउनको लागि निकै आरामदाई जीवन व्यतित गर्नको लागि कडा मेहनत गर्ने गर्छन्। यी राशी भएका मानिसहरुमा धनि बन्न सम्पूणे गुणहरु भएको हुन्छ