सांसद नारायण खड्का बाट घाईते नारायण कार्कीलाई एक महिनाको तलब सहयोग

गाईघाट साउन ,२८। उदयपुर जिल्ला का प्रतिनिधिसभा सांसद डा. नारायण खड्काले बम आक्रमण मा परी घाईते भई उपचारत काँग्रेस नेता नारायण कार्कीलाई एक महिना बराबरको  तलब सहयोग गरेका छन् ।नेपाली काँग्रेसका नेता तथा प्रतिनिधिसभा उदयपुर क्षेत्र नं १ बाट बिजयी सांसद डा. खड्काले आज बिहान कार्कीको निवास पुगेर सांसदको एक महिनाको तलब (५५ हजार २ सय ३०) सहयोग गरेको हुन् ।

गत मंसिरमा सम्पन्न प्रतिनिधि तथा प्रदेशसभा निर्वाचनका बेला चुनाब प्रचारप्रसार को लागी उदयपुर निर्वाचन क्षेत्र नं. २ का प्रतिनिधिसभा सदस्य उम्मेदवार बनेका कार्की चुनावी प्रचारको क्रममा मिति २०७४ मंसिर १३ गते उदयपुर गढी नगरपालिका–६ स्थित दनुवारबेसीमा भएको बम प्रहारमा गम्भीर घाइते भई लामो समयदेखि उपचारत गर्दै छन् ।उपचारकै क्रममा उनले एउटा खुट्टा समेत गुमाइसकेका छन् । उनी २०६४ को संविधान सभा सदस्य समेत हुन् ।