सिपिएल क्रिकेटः सन्दिप प्रतियाेगिताकाे सबैभन्दा किफायति बलर, यस्ताे छ तिन खेलमा उनकाे प्रदर्शन !

काठमाडाैँ १ भदाै । नेपाली युवा क्रिकेटर सन्दिप लामिछाने क्यारेवियन प्रिमियर लिग सिपिएल क्रिकेटमा सबैभन्दा कम रन खर्चेर किफायति बलरकाे सूचीकाे शिर्ष स्थानमा रहेका छन् । एस टि किट्स एण्ड नेभिस प्याट्रियाेट्स उनले खेलेका तिन खेलमा जम्मा ११ अाेभर बलिङ गर्दा मात्र ५० रन खर्चँदै सबैभन्दा किफायति बलर बनेका हुन् ।

त्यस्तै सन्दिप सबैभन्दा बढी विकेट लिनेकाे सूचीमा पनि पाँचाै नम्बरमा परेका छन् । उनले तिन खेलमा ५ विकेट लिएका थिए ।

गुएना अमेजन वरियरसँग भएकाे पहिलाे खेलमा सन्दिपले मात्र १२ रन खर्चेर २ विकेट लिएका थिए जुन खेलमा उनकाे टाेलि एस टि किट्स एण्ड नेभिस प्याट्रियाेट्स पराजित हुन पुगेकाे थियाे । त्यस पछिका दुई खेल ट्रिङबागाे नाइट राइडर्स र जमैका टलर्ससँगकाे खेलमा सन्दिपले क्रमश १ र २ विकेट लिएका थिए । दुई मध्ये ट्रिङबागाे सँगकाे खेल नेभिस प्याट्रियाेट्सले जितेकाे थियाे ।