सुविनकाे ‘समर लभ’ पर्दामा, पहिलाे पाेष्टर सार्वजनिक
सारांश
- काठमाडौँ, २६ कात्तिक ।
- साहित्यकार सुविन भट्टराईको बहुचर्चित उपन्यास ‘समर लभ’ माथि बनेको चलचित्र ‘समर लभ’ को पहिलो पोष्टर सार्वजनिक भएको छ ।
- मुस्कान ढकालको निर्देशनमा बनेको चलचित्र माघ २५ देखि प्रदर्शनमा आउने छ ।
काठमाडौँ, २६ कात्तिक । साहित्यकार सुविन भट्टराईको बहुचर्चित उपन्यास ‘समर लभ’ माथि बनेको चलचित्र ‘समर लभ’ को पहिलो पोष्टर सार्वजनिक भएको छ । मुस्कान ढकालको निर्देशनमा बनेको चलचित्र माघ २५ देखि प्रदर्शनमा आउने छ । चलचित्रमा मुख्य पात्र अतित र सायाको भूमिकामा नयाँ कलाकार आशीष पिया र रेवती क्षेत्री देखिँदैछन् भने सुरज सिंह ठकुरी, नम्रता सापकोटा आदिको मुख्य भूमिका रहनेछ ।
उपन्यास ‘समर लभ’ लार्इ निकै रूचाइएपछि लेखक सुविन भट्टरार्इले ‘साया’ लेखेका थिए । उनकाे पछिल्लाे उपन्यास ‘प्रिय सुफि’ हाे । उनकाे चार उपन्यास र एक कथा संग्रहसहित पाँच कृति प्रकाशित छन् । ‘मनसुन’ उनकाे अर्काे चर्चित उपन्यास हाे भने ‘कथाकी पात्र’ कथा संग्रह पहिलाे कृति हाे ।
सामीप्यराज तिमल्सेनाको पटकथा रहेको चलचित्रकाे संवाद उपन्यासकार भट्टराई र तिमल्सेनाको संयुक्त संवाद रहेको छ। चलचित्रमा पुष्पन प्रधानको संगीत, सञ्जय लामाको छायांकन र अर्जुन जिसीको सम्पादन रहेको छ।
प्रतिक्रिया