१ लाख ३२ हजार जना मान्छे अदालत छल्दै फरार
सारांश
- काठमाडौं ।
- सर्वोच्च अदालत मातहतका देशभरका अदालतबाट फैसला भएका मुद्दामा १ लाख ३२ हजार जना फरार छन् ।
- विभिन्न हत्या, बलात्कार, अपहरण, लुट, ठग जस्ता फौजदारी मुद्दामा दोषी देखिएका यति धेरै मान्छे फरार भएका हुन् ।
काठमाडौं । सर्वोच्च अदालत मातहतका देशभरका अदालतबाट फैसला भएका मुद्दामा १ लाख ३२ हजार जना फरार छन् । विभिन्न हत्या, बलात्कार, अपहरण, लुट, ठग जस्ता फौजदारी मुद्दामा दोषी देखिएका यति धेरै मान्छे फरार भएका हुन् ।
आव २०७४/०७५ सम्ममा देशभरि एक लाख ३२ हजार ८ सय ११ जनाको कैद र जरिवाना असुल्न बाँकी छ । सर्वोच्चका अनुसार गत असार मसान्तसम्ममा ७७ हजार चार सय २४ थान मुद्दा फैसला भएका कार्यान्वयन हुन बाँकी छन्।
फैसला भएका मुद्दा कार्यान्वयन नहुँदा दण्डहिनता बढ्दै गएको छ । सर्वोच्चलगायत देशभरका अदालतबाट भएका मुद्दा फैसला कार्यान्वयन नहुँदा समस्या भएपछि अदालतको फैसला नटेर्नेलाई सार्वजनिक सेवाबाट वञ्चित गर्ने नियम ल्याइएको छ ।
सर्वोच्च अदालतले यस वर्षलाई फैसला कार्यान्वयनको वर्ष घोषणा गरेको छ। मुद्दामा दोषी भएकालाई सार्वजनिक सेवाबाट बन्चित गर्दै फैसला कार्यान्वयनलाई तीव्र पारिने फैसला कार्यान्वयन निर्देशनालयले जनाएको छ ।
सबैभन्दा बढी मुद्दाको चाप रहेको काठमाडौं जिल्ला अदालतले विभिन्न सेवा प्रदायक संस्थासँग अन्तरक्रिया गरिसकेको छ ।
सरकारले राष्ट्रिय परिचयपत्र वितरण गर्दा मुद्दामा सजाय नभोगेसम्म परिचयपत्र नदिनसमेत अदालतले पत्राचार गरेको छ। अदालतको फैसला नटेर्नेका लागि सरकारले दिने सेवा रोक्ने बाटो कानुनले खोलेको छ।
प्रतिक्रिया