२३ बुँदे घोषणापत्र जारी गर्दै उद्योग वाणिज्य संघहरुको राष्ट्रिय भेला सम्पन्न, स्वदेशी उद्योगलाई प्रवर्द्धन गर्नु पर्नेमा जोड

काठमाडौं । नेपाल उद्योग बाणिज्य महासंघको जिल्ला तथा नगरस्तरीय उद्योग वाणिज्य संघहरुको राष्ट्रिय भेला सम्पन्न भएको छ । २३ बुँदे घोषणापत्र जारी गर्दै वीरगञ्जमा आयोजित उद्योगी व्यवसायीहरुको राष्ट्रिय भेला सम्पन्न भएको हो ।

भेलाले उद्योग व्यवसाय क्षेत्रमा विद्यमान समस्याको विषयमा गम्भिर छलफल भएको उद्योगीहरुले बताएका छन् । ‘सरकारले प्रतिबद्धता नगर्ने अनि व्यवसायीहरुले मात्रै जोखिम मोलेर काम गर्नु पर्ने बाध्यता रहेको भन्दै उद्योगीहरुले सरकारको ठोस नीति हुनु पर्ने बताएका छन् ।

‘कृषिको आधुनिकीकरण, व्यवसायिकरण, पर्यटन क्षेत्र, जलविद्युत, जडीबुटीजन्य उद्योग मार्फत मुलुकमा सम्मृद्धि हाँसिल गर्न सकिन्छ । तर, त्यसका लागि सरकारले ठोस नीति ल्याउन नसकको र मुलुकको अर्थतन्त्रमा ७० प्रतिशत भन्दा बढी हिस्सा ओगट्ने निजी क्षेत्रको विकास एवं विस्तारमा राज्यको ध्यान नगएको व्यवसायीहरुको भनाई छ ।

भेलामा देशका १ सय ५ वटा जिल्ला तथा नगर उद्योग वाणिज्य संघका प्रतिनीधिहरु सहभागी थिए । स्थायी सरकार भएको अनुभुती उद्योगी व्यवसायीलाई हुनुपर्ने व्यवसायीहरुको भनाई छ ।