नेकपाभित्र पोलिटब्युरो गठनमा यसरी भागवण्डा हुँदै
सारांश
- काठमाडौं ।
- नेपाल कम्युनिस्ट पार्टीको जिल्ला एकीकरण टुंगिएलगत्तै पोलिटब्युरोमा ध्यान पुगेको छ ।
- तत्कालीन एमाले र माओवादी केन्द्रकै केन्द्रीय कमिटीमा रहेकाहरुलाई पोलिटब्युरोमा राख्ने बताइएको छ ।
काठमाडौं । नेपाल कम्युनिस्ट पार्टीको जिल्ला एकीकरण टुंगिएलगत्तै पोलिटब्युरोमा ध्यान पुगेको छ । तत्कालीन एमाले र माओवादी केन्द्रकै केन्द्रीय कमिटीमा रहेकाहरुलाई पोलिटब्युरोमा राख्ने बताइएको छ ।
पोलिटव्युरो सदस्य चुन्नमा नेकपाले सैद्धान्तिक सहमति जुटाएको बताइएको छ । नेकपाका अध्यक्षद्वय केपी शर्मा ओली र पुष्पकमल दाहालबीचको छलफल भैसकेको छ । तत्कालीन एमाले र तत्कालीन माओवादी केन्द्र केन्द्रीय कमिटीमा रहेकामध्ये वरिष्ठतालाई आधार मानेर पोलिटब्युरो सदस्य बनाउने सहमति भएको छ।
केन्द्रीय कमिटीको एकतिहाइ रहनेगरी पोलिटब्युरो कमिटी गठन हुने विधानमा व्यवस्था छ। विधान अनुसार केन्द्रीय समिति ४ सय ४१ सदस्यमध्येबाट १ सय ४७ जनासम्मको पोलिटब्युरो गठन हुन सक्छ।
नेकपाभित्र कम्तीमा दुईपटक केन्द्रीय सदस्य भइसकेकामध्येबाट पोलिटब्युरो सदस्य चयन गर्ने तयारी छ। मापदण्डअनुसार पोलिब्युरो गठन गर्दा केपी ओली समूहबाट ३८, पुष्पकमल दाहाल समूहबाट ४९, माधवकुमार नेपाल समूहबाट ३६, रामबहादुर थापा समूहबाट १०, वामदेव गौतम समूहबाट ७ र नारायणकाजी श्रेष्ठ समूहबाट ७ जना पर्नेगरी भागवण्डा गर्न लागिएको बताइएको छ ।
प्रतिक्रिया