यी हिरोइनले स्वतन्त्र चुनाव लडेर पूर्वप्रधानमन्त्रीका नाती तथा मुख्यमन्त्रीका छोरालाई हराइन्

एजेन्सी। भारतको लोकसभा निर्वाचनमा भारतीय जनता पार्टीले बहुमत पाउने पक्का भएको छ । यो र्विाचनमा कैयौं रेकर्ड बनेका छन् । यस्तै रेकर्ड नतिजा दक्षिण भारतमा आएको छ । दक्षिण भारतीय तथा हिन्दी गरी २२० भन्दा धेरै फिल्ममा अभिनय गरिसकेकी अभिनेत्री सुमनलता अम्बरिशले ऐतिहासिक जीत हात पारेकी छिन् । उनको जीत यसकारण चर्चामा छ कि उनी निर्दलीय (स्वतन्त्र) उम्मेदवार हुन् र उनले पूर्व प्रधानमन्त्रीका नाती तथा कर्नाटकका बहालवाला मुख्यमन्त्रीका छोरालाई चुनावमा हराइन् ।

कर्नाटकको मंड्याबाट स्वतन्त्र उम्मेदवार सुमनलताले पूर्व प्रधानमन्त्री एचडी देवेगौडाका नाती तथा बहालवाला मुख्यमन्त्री एचडी कुमारस्वामीका छोरा निखिल कुमारस्वामीलाई १ लाखभन्दा धेरै मत अन्तरले हराइन् । कन्नड फिल्म उद्योगका कैयौं स्टारहरुले उनलाई समर्थन गरेका थिए । यसरी समर्थन गर्ने सुपरस्टार दर्शन र यशलाई मुख्यमन्त्री कुमारस्वामीले फिल्मी करिअर समाप्त पारिदिने धम्की पनि दिएका थिए ।