प्रभाकरका करिब २५० मत जलेर नष्ट ,२१ गते पुनः मतदान
सारांश
- रुकुम, १० मंसिर पश्चिम रुकुमको बाँफीकोट गाउँपालिका वडा नम्बर– ५ स्थित रत्न आधारभूत विद्यालय ‘क’ केन्द्रको मतपेटिकामा आगजनी भएको छ ।
- प्रतिनिधिसभाको प्रत्यक्षतर्फको मतपेटिकामा आगो लागेर खसेको मत पूर्णरुपमा जलेर नष्ट भएपछि पुनः निर्वाचन हुने भएको छ ।
- आगजनी हुने बेलासम्ममा करिब २५० को वरिपरी मत खसेको बताइएको छ ।
रुकुम, १० मंसिर
पश्चिम रुकुमको बाँफीकोट गाउँपालिका वडा नम्बर– ५ स्थित रत्न आधारभूत विद्यालय ‘क’ केन्द्रको मतपेटिकामा आगजनी भएको छ ।
प्रतिनिधिसभाको प्रत्यक्षतर्फको मतपेटिकामा आगो लागेर खसेको मत पूर्णरुपमा जलेर नष्ट भएपछि पुनः निर्वाचन हुने भएको छ । आगजनी हुने बेलासम्ममा करिब २५० को वरिपरी मत खसेको बताइएको छ ।
उक्त क्षेत्र माओवादी केन्द्रका नेता तथा प्रतिनिधि सभा सदस्य उम्मेदवार प्रभाकरको पकड मानिदै आएको थियो । उक्त मतदान केन्द्रमा प्रभाकरलाई नै एकलौटी भोट खस्ने अनुमान गरिएको थियो ।
आगजनीपछि मतदान तत्कालका लागि स्थगित भएको थियो । उक्त मतदान केन्द्रमा आगामी मंसिर २१ गते नै पुनः मतदान गर्ने निर्वाचन कार्यालय रुकुमले बताएको छ ।
यसैबीच आठबीसकोट नगरपालिका वडा नम्बर ११ मा रहेको राष्ट्रिय माध्यमिक विद्यालय गत्तासैना मतदान केन्द्रमा पनि मतपेटिका जलाइएको छ ।
प्रहरीका अनुसार एसिड प्रयोग गर्दा समानुपतिकतर्फको मतपेटिका जलेको हो । मतपेटिकामा एसिड हाल्ने एक जनालाई प्रहरीले नियन्त्रणमा लिएको छ ।
मतदानका लागि गएका व्यक्तिले नै एसिड प्रयोग गरेर आगजनी गरेको प्रहरीको भनाई छ ।
रुकुम प्रहरीका अनुसार घटनामा संलग्न भएको आरोपमा प्रहरीले ३ जना स्थानीयलाई गिरफ्तार गरेर थप अनुसन्धान भइरहेको छ ।
प्रतिक्रिया
Gb Chettri
हो माओ बादिको मत पत्र च्यात्ने जलाउनेत नानी देखिकै बानी होनि होइनर।
Mohan Kayasta
So bad .
Surendra Kumar Sah
said news
Dhiraj Jayswal
So sad