सांसदहरुलाई डिल्लीबजार कारागारको अनुगमनमा रोक

सोज ७, काठमाण्डौ । प्रतिनिधिससभाको शिक्षा तथा स्वास्थ्य समिति अन्तर्गत गठित कोभिड–१९ को सम्बन्धमा सरकारले गरेका काम कारबाहीको अनुगमन गर्न गठित उपसमितिलाई डिल्लीबजार कारागारको अनुगमनमा रोक लगाइको छ ।

बुधबार कोरोनाको महामारीमा कारागारभित्र भएको व्यवस्थापनको स्थलगत अनुगमन गर्न केन्द्रीय कारागार कार्यालय त्रिपुरेश्वर, केन्द्रीय कारागार अस्पताल त्रिपुरेश्वर र कारागार कार्यालय नख्खुपछि डिल्लीबजार कारागार कारागार पुगेको संसदीय उपसमितिको टोलीलाई अनुगमनमा रोक लगाएको हो । संसदीय समितिले अनुगमनका लागि यसअघि नै पत्र पठाएपछि कारागारका जेलर गणेश आचार्यले अनुगमनमा रोक लगाएको उपसमिति संयोजक जिवनराम श्रेष्ठले जानकारी दिए ।

जेलर आचार्यको स्वनिर्णयले अनुगमनमा रोक लगाउनु संसदमाथिको उपहास भएको भन्दै यस बिषयमा गृहमन्त्रालयको ध्यानाकर्षण गराउने बताए । उनले कोरोना संक्रमितको संख्या धेरै रहेको उक्त कारागारमा व्यवस्थापनको कमजोरीका कारण रोक लगाएको हुन सक्ने आशंका व्यक्त गरे ।

त्यसअघि बिभिन्न कारागारको अनुगमन गरेको उपसमितिले बन्दीहरुलाई संक्रमितबाट बचाउनका लागी सामाग्री र बजेट न्युन भएको पाइएको उपसमिति संयोजक श्रेष्ठले बताए । त्रिपुरेश्वर कारागारको अवस्था ठिकै रहेपछि नख्खु कारागारमा कोरोना संक्रमितको व्यवस्थापनका लागि श्रोत साधानको अभाव रहेको पाइएको उनले बताउनुभयो । कोरोना न्युनिकरण र रोकथाम तथा संक्रमितको उपचारका लागि सरकारले गरेका काम कारबाहीको बारेमा पछिल्लो समय उपसमितिले निरन्तर स्थलगत अनुगमन गरिरहेको छ ।