फरार प्रतिवादी पक्राउ

काठमाडौं, २१ भदौ
ईलाम ः बहुबिवाह मुद्दामा १ महिना २० दिन कैद सजाय भई फरार रहेका माइजोगमाई गाउँपालिका–४ बस्ने ५० वर्षीय गौतमकुमार प्रधानलाई ईलाका प्रहरी कार्यालय नयाँबजारको प्रहरीले मंगलबार फेला पारी पक्राउ गरेको छ ।
मोरङ ः किर्ते मुद्धामा जिल्ला अदालत मोरङबाट २०७१ माघ २७ गतेको फैसलाले ३ हजार रुपैयाँ जरिवाना तोकेकोमा  हालसम्म फरार प्रतिबादी मोरङको जहदा गाउँपालिका–१ बस्ने ६६ वर्षीय मुमताज मियालाई उनकै गाउँमा लुकीछिपी बसिरहेको अवस्थामा मंगलबार प्रहरीले फेला पारी पक्राउ गरेको छ ।
सिन्धुपाल्चोक ः मेलम्ची नगरपालिका–११ बाट २०६७ फागुन १० गतेदेखि बहुबिबाह मुद्दाका फरार प्रतिबादी हेलम्बु गाउँपालिका–७ बस्ने २८ वर्षीय चन्द्रबहादुर ज्योतीलाई मंगलबार प्रहरीले पक्राउ गरेको छ ।
घटनाका सम्बन्धमा स्थानीय प्रहरीले थप आवश्यक अनुसन्धान गरिरहेको छ ।