दीपक मनाङेलाई समर्थन गर्दै एमाले उम्मेदवारको उम्मेदवारी फिर्ता
सारांश
- लमजुङ, कात्तिक ८ – मनाङबाट प्रदेश सभा ‘ख’ का लागि एमालेबाट टिकट पाउनुभएकी खण्ड लामाले उम्मेदवारी फिर्ता लिनुभएको छ ।
- एमालेबाट टिकट नपाएपछि प्रदेश नं ‘ख’ बाटै दीपक मनाङेले स्वतन्त्र उम्मेदवारी दर्ता गराउनुभएको छ ।
- उहाँले उम्मेदवारी फिर्ता लिनुभएको छैन ।
लमजुङ, कात्तिक ८ – मनाङबाट प्रदेश सभा ‘ख’ का लागि एमालेबाट टिकट पाउनुभएकी खण्ड लामाले उम्मेदवारी फिर्ता लिनुभएको छ ।
एमालेबाट टिकट नपाएपछि प्रदेश नं ‘ख’ बाटै दीपक मनाङेले स्वतन्त्र उम्मेदवारी दर्ता गराउनुभएको छ । उहाँले उम्मेदवारी फिर्ता लिनुभएको छैन । एमालेबाट आधिकारिक रुपमा पाएको उम्मेदवारी फिर्ता लिएपछि खण्ड लामाले दीपक मनाङेलाई सघाउने लगभग पक्का भएको छ ।
स्थानीय सञ्चारकर्मी नेगम परियारका अनुसार मनाङमा प्रतिनिधिसभाका लागि कांग्रेसबाट टेकबहादुर गुरुङ, एमालेबाट पोल्देन छोपाङ गुरुङको उम्मेदवारी दर्ता भएको छ । दुई निर्वाचन क्षेत्र रहेको मनाङमा प्रदेश सभा ‘क’ मा नेपाली कांग्रेसबाट चिन्तबहादुर घले, एमोलबाट दोर्जे डेण्डुल गुरुङ चुनाव लड्दै हुनुहुन्छ ।
यसैगरी प्रदेश सभा ‘ख’ मा नेपाली कांग्रेसबाट कर्म गुरुङ चुनावी मैदानमा हुनुहुन्छ । एमालेबाट टिकट पाउनुभएकी खण्ड लामाले उम्मेदवारी फिर्ता लिएसंगै अव कांग्रेसका उम्मेदवार गुरुङ र स्वतन्त्र उम्मेदवार दीपक मनाङे भनिने राजिव गुरुङबीच चुनावी प्रतिष्पर्धा हुनेछ ।
प्रतिक्रिया