चुरियामाई मा बि लाई उच्च मा बि बनाउन ६० लाख संकलन

२,फागुन,मकवानपुर,

हेटौंडा नपा वडा नं १८ चुरियामा रहेको चुरियामाई मा बि निर्माण गर्नको लागि यहाँ लगाइएकोश्रीमद् भागवत महायज्ञ बाट ६० लाख रकम संकलन भएको छ।

बिद्यालयले ब्यबस्थापन समितिका अध्यक्ष सुनिल तामांङ निर्बाचित भएपछि उनको पहलमा महायज्ञ लगाईएको हो। ९० प्रतिशत तामाङ बस्ती भएको ठाउँमा महायज्ञ लगाउनु आफैमा चुनौती थियो। कतिपयले सुनिल बिग्रीयो क्षेत्री बाहुनको भागबत लगाउन तम्सियो भनेर आरोप समेत लगाए। तमाङका छोराछोरी बिदेश जादाँ चुरियामाईलाई भाकने मनकामनामा भाले काट्ने अनि महायज्ञ कसरी तामाङको नहुने अध्यक्ष तामाङ्ले बताए।

यो तर्कका आधारमा आज हाममीले सोचेभन्दा बढी रकम उठेको छ। अब बिधालयलाई उच्च माबी बनाउने अभियान सफल हुनेछ। समापन समारोहका प्रमुख अतिथि पुर्ब मन्त्री महेश बस्नेतले विद्यालयका पुर्ब शिक्षक तथा ब्यबस्थापन समितिको अध्यक्षहरुलाई सम्मान गरेका थिए। तेसै गरि ५० लाख भन्दा बढी सहयोग गर्ने दाता समेत सम्मानित भएका थिए। युवा पण्डित बाचक मकुन्द नेपालले निकै प्रभावकारी संगीतमय प्रबचन मार्फत भक्तजनलाई प्रभावित पारेका थिए। उनको बिदाईको क्षणमा स्थानीयले रुदै रुदै बिदाई गरेका थिए।