गीतकार भावेशले किन भावुक हुँदै भने, “तिमी छैनौ र मलाई…” (भिडियोसहित)

काठमाडौं, २८ पुस , गीतकार भावेश भुमरीको गीति एल्बममा रहेको लोकप्रिय गीत “तिमी छैनौ र मलाई…” को म्युजिक भिडियो सार्वजनिक भएको छ । राधाकृष्ण आचार्यले निर्देशन गरेको यस गीतको भिडियोमा बुद्धिकुमार श्रेष्ठ र एलिना रायमाझीले अभिनय गरेका छन् ।
नेपाली गीत लेखनमा छुट्टै पहिचान बनाएका गीतकार भावेश भुमरीले केही वर्ष पहिले बजारमा ल्याएको “भूमिका” एल्बममा रहेको यस गीतमा सन्तोष श्रेष्ठको सङ्गीत र कृष्णभक्त राईकोे स्वर रहेको छ । रीमा गुरुङ होडाको स्वरमा रहेको यसै गीतको भिडियो केही समयअगाडि सार्वजनिक भइसको छ भने कृष्णभक्त राईकोे स्वर रहेको यस गीतलाई स्रोताहरूले धेरै नै मन पराउँदै आएका छन् ।

लोकप्रियता हासिल गर्दै आएको यस गीतको म्युजिक भिडियो भने बनेको थिएन । यस गीतको म्युजिक भिडियो बनाउन कलाकार बुद्धिकुमार श्रेष्ठको निकै ठूलो भूमिका निभाएका छन् । यस गीतमा स्वयम् बुद्धि र एलिनाले अत्यन्त राम्रो अभिनय गरेका छन् । राधाकृष्ण आचार्यले सशक्त निर्देशन गरेको यस भिडियोमा क्यामरा भने रेशम दर्लामीले चलाएका छन् । यस गीतको भिडियोलाई प्रदीप दाहालले सम्पादन गरेका छन् । अडियो एल्बम भूमिकाको बजार व्यवस्थापन गरेको गीतकार भुमरीकै म्युजिक कम्पनी सुरप्रभा गीत सङ्गीत प्रालिको युटुब च्यानलबाटै यस भिडियोलाई बजारमा ल्याइएको छ ।

म्युजिक भिडियो|