जुगल र भोटेकोसी गाउँपालिकामा एमाले र माओवादी विजयी

चौतारा, ४ जेठ । सिन्धुपाल्चोकको भोटेकोसी गाउँपालिकाको प्रमुखमा नेकपा माओवादी केन्द्रका राजकुमार पौडेल दुई हजार ५७३ मत ल्याई विजय हुनुभएको छ । उहाँको निकटतम प्रतिद्वन्दी नेपाली काँग्रेसका साङबु शेर्पाले दुई हजार ४२५ मत प्राप्त गर्नुभएको थियो ।

त्यसैगरी उपप्रमुखमा नेकपा माओवादी केन्द्रकी दाबुटी शेर्पाले दुई हजार ५१० मत प्राप्त गरी विजयी हुनुभएको छ । उहाँको निकटतम प्रतिद्वन्दी नेपाली काँग्रेसकी गेल्मो शेर्पाले दुई हजार १४६ मत प्राप्त गर्नुभयो ।

त्यसैगरी जुगल गाउँपालिकाको प्रमुखमा नेकपा एमालेका होमनारायण श्रेष्ठले दुई हजार ८१८ मत ल्याई विजयी हुनुभएको छ । उहाँको निकटतम प्रतिद्वन्दी नेकाका जयबहादुर लामाले दुई हजार ५७३ मत प्राप्त गर्नुभयो । उपप्रमुखमा नेकपा एमालेकी सिर्जना तामाङले दुई हजार ७४६ मत प्राप्त गरी विजयी हुनुभयो । उहाँको निकटतम प्रतिद्वन्दी नेकपा माओवादी केन्द्रकी अम्बिका नेपालले दुई हजार ३८९ मत प्राप्त गर्नुभएको थियो ।