किम जोङ उनकाे विशेष विमान कस्तो छ?

उनले सिंगापुरकाे विदेश भ्रमणमा एयर चाइनाकाे विशेष विमान प्रयोग गरेका छन्। याेसहित उनकाे भ्रमणमा एक होइन तीन–तीन वटा विमान प्रयाेग भएका छन्। यसअघि उनी चीन भ्रमण गर्दा बुलेट फ्रुफ परम्परागत रेलमार्फत् आउजाउ गर्थे। तर चारैतिर समुन्द्रले घेरिएकाे एउटा टापु मुलुक पुग्न रेलबाट सम्भव थिएन। त्यही भएर आइतबार बिहान उनी विमानबाट सिंगापुर अवतरण भएका छन्।

सन् २०११ मा देशको सर्वोच्च नेताकाे पदमा अासिन भए लगत्तै उनले हवाई मार्गबाट चीनको भ्रमण गरेका थिए। चीन बाहेक यो उनको पहिलो विदेश भ्रमण हो। त्यस यता हवाई मार्गबाट भएको पहिलो विदेश यात्रा पनि हो।

दुई विमान सिंगापुर अवतरण

अघिपछि किमले प्रयोग गर्ने विमान कस्तो छ त?

किम योयोसन–६२एम जेटबाट सिंगापुर अवतरण गरेका छन्। उनको भ्रमण टोलीमा थप एउटा कार्गो विमान पनि सिंगापुर अवतरण गरेको छ।

उत्तर कोरियाको राष्ट्रिय ध्वजाबहाक एयर कोरियोसँग सोभियत संघ कालमा बनेका केही विमानहरु छन्। सन् १९६० को दशकमा सोभियत संघले यो विमान पहिलो पटक उत्पादन सुरु गरेको थियो। त्यतिबेला यो विमानलाई विश्वकै ठूलो मानिन्थ्यो। किमले व्यक्तिगत रुपमा प्रयोग गर्ने योयोसन–६२ सन् १९९० मध्यतिर बनेको विमान हो। ५० मिटर लम्बाई भएको यो विमानले २०० जना यात्रु बोक्ने क्षमता राख्छ। तर यो विमानको कलपुर्जा र प्राविधिक सहयोग विश्वका केही मुलुकमा मात्र उपलब्ध छ। त्यही भएर उनी सिंगापुर अाउँदा अर्काे विमान छानेकाे हुनसक्ने देखिन्छ।

एयर चाइनाबाट सिंगापुर

स्विडेनको फ्लाइट ट्रयाक कम्पनी फ्लाइटराडर२४ डटकमका अनुसार एयर चाइनाको बोइङ ७४७ प्योङयाङबाट बेइजिङ हुँदै सिंगापुर अवतरण गरेको हो। किम सवार जहाजकाे फ्लाइट नं. सिए१२२ रहेकाे थियाे। -एजेन्सी