पत्नीपीडित पुरुषले दिए प्रहरीमा उजुरी
सारांश
- पर्वत ।
- श्रीमानले कुटपीट, खान नदिएको, हेला गरेको भन्दै श्रीमतीले उजुरी दिने चलन नौलो होइन ।
- तर, श्रीमतीले पनि श्रीमानलाई पीडित बनाएका घटना आजभोलि बाहिर आउने गरेका छन् ।
पर्वत । श्रीमानले कुटपीट, खान नदिएको, हेला गरेको भन्दै श्रीमतीले उजुरी दिने चलन नौलो होइन । तर, श्रीमतीले पनि श्रीमानलाई पीडित बनाएका घटना आजभोलि बाहिर आउने गरेका छन् । यस्तै पर्वतमा पहिलोपटक पत्नीबाट पीडित भएको भन्दै २ जना पुरुषले प्रहरीमा उजुरी दिएका छन् ।
जिल्ला प्रहरी कार्यालय पर्वतकी महिला तथा बालबालिका सेवा केन्द्र इञ्चार्ज रचना थापाका अनुसार महिला सेलमा दुई जना पुरुषले श्रीमतीबाट पीडित भएको भन्दै न्यायका लागि उजुरी दिएका छन् । न्यायका लागि उजुरी दिनेमा जलजला गाउँपालिका–२ धाइरिङका एक पुरुष र कुश्मा नगरपालिका–१ पाङका अर्का पुरुष छन् ।
उनीहरु दुवै जनाले श्रीमतीले छोराछोरी पालनपोषणमा ध्यान नदिएको र घरभन्दा बाहिर बढी समय दिने गरेको भन्दै न्यायका लागि उजुरी दिएका हुन् । उजुरीउपर जिल्ला प्रहरी कार्यालय पर्वतले पाँङका पीडित पुरुषका श्रीमानश्रीमती दुवै जनालाई कार्यालयमा बोलाएर मिलापत्र गराएको छ भने जलजलाका पत्नी पीडित व्यक्तिको मुद्दा अझै कानूनी प्रक्रियामा छ ।
प्रतिक्रिया