शिखर खबर

प्रेस काउन्सिलका कार्यवाहक अध्यक्ष श्रेष्ठको रातो पासपोर्ट खारेज

Shikharkhabar

बिहिबार, आषाढ २१, २०७५

९

३० पटक हेरिएको

प्रेस काउन्सिलका कार्यवाहक अध्यक्ष श्रेष्ठको रातो पासपोर्ट खारेज

Shikharkhabar

काठमाडौं, २१ असार ।
प्रेस काउन्सिल नेपालका कार्यबाहक अध्यक्ष तथा वरिष्ठ पत्रकार किशोर श्रेष्ठको रातो पार्सपोर्ट खारेज भएको छ ।
बुधबार साँझ प्रधानमन्त्री निवास बालुवाटारमा बसेको मन्त्रीपरिषद् बैठकले श्रेष्ठको विशेष सुविधासहितको रातो पासपोर्ट खारेज गरेको हो ।

काठमाडौं, २१ असार । प्रेस काउन्सिल नेपालका कार्यबाहक अध्यक्ष तथा वरिष्ठ पत्रकार किशोर श्रेष्ठको रातो पार्सपोर्ट खारेज भएको छ । बुधबार साँझ प्रधानमन्त्री निवास बालुवाटारमा बसेको मन्त्रीपरिषद् बैठकले श्रेष्ठको विशेष सुविधासहितको रातो पासपोर्ट खारेज गरेको हो ।

न्युज २४ टेलिभिजनबाट प्रसारण हुने “सिधा कुरा जनतासँग”का सञ्चालक रवि लामिछानेको अमेरिकी नागरिकताको बिषयमा प्रेस काउन्सिलले छानविन शुरु गरेपछि पत्रकार श्रेष्ठको रातो पासपोर्टको बिषय पनि विबादमा तानिएको थियो । प्रेस काउन्सिलमा रवि लामिछानेको “सिधा कुरा जनतासँग”को विषयमा उजुरी परेपछि लामिछानेले पनि श्रेष्ठको रातो पासपोर्टको बिषय सार्वजनिक गरेका थिए ।

बुधबार बसेको मन्त्रीपरिषद् बैठकमा प्रधानमन्त्री ओलीकै सिधा निर्देशनमा श्रेष्ठले लिएको रातो पार्सपोर्ट खारेजीको निर्णय गरेको हो । संयोग श्रेष्ठकी आमाको निधन भएकै दिन सरकारले उनको रातो पार्सपोर्ट खारेज गर्ने निर्णय गरेको छ ।

सञ्चार तथा सूचना प्रविधिमन्त्री एवं सरकारका प्रवक्ता गोकुलप्रसाद बास्कोटाले भने यो विषय आफूलाई थाहा नभएको भनेर पन्छिए । उनले भने, “त्यो परराष्ट्रलाई थाहा होला ।”