हेलिकप्टरकै भर, बर्सेनि दुर्घटना
सारांश
- गोरखा – ‘बिरामी होस् वा घाइते, मान्छे जन्मिँदा गाह्रो होस् या मरेपछि आफ्नै गाउँमा लगेर रीतिथितिअनुसार संस्कार गर्नुपरोस्, यी सबै कामका लागि हेलिकोप्टरको भर पर्नुपर्छ।
- बर्सेनि हेलिकोप्टर दुर्घटना हुँदा पनि हामीसँग यसको विकल्प छैन।
- ’ यो भनाइ हो तिब्बतसँग सिमाना जोडिएको गोरखाको चुमनुब्री गाउँपालिकाका प्रमुख धनबहादुर गुरुङको।
गोरखा – ‘बिरामी होस् वा घाइते, मान्छे जन्मिँदा गाह्रो होस् या मरेपछि आफ्नै गाउँमा लगेर रीतिथितिअनुसार संस्कार गर्नुपरोस्, यी सबै कामका लागि हेलिकोप्टरको भर पर्नुपर्छ।
बर्सेनि हेलिकोप्टर दुर्घटना हुँदा पनि हामीसँग यसको विकल्प छैन।’ यो भनाइ हो तिब्बतसँग सिमाना जोडिएको गोरखाको चुमनुब्री गाउँपालिकाका प्रमुख धनबहादुर गुरुङको। आफन्त बिरामी हुँदा, कसैको मृत्यु हुँदा वा छोटो समयमा घरगाउँ पुगेर फर्कन, खाद्यान्न र औषधि ढुवानी, यी सबैका लागि हेलिकोप्टर निर्विकल्प साधन बनेको उनले बताए। सामागाउँ, छेकम्पारलगायतका ठाउँबाट गाउँपालिका कार्यालय आउन तीन दिन लाग्छ भने तिब्बत पुग्न अढाइदेखि दुई दिन। सेवा लिन सहज नहुँदा यी गाउँका बासिन्दा हेलिकोप्टर चार्टर गर्न बाध्य छन्।
गोरखाको सामागाउँबाट उडेको अल्टिच्युड एयरको हेलिकोप्टर शनिबार दुर्घटनामा पर्दा चुमनुब्री गाउँपालिका १ का छोवाङ नोर्बुको मृत्यु भयो। उनीसँगै चालकसहित सामागाउँबाट उडेका छजनाको पनि ज्यान गयो। सोही गाउँपालिका २ की आनी डोल्मा निकी घाइते भइन्। यो पहिलो हेलिकोप्टर दुर्घटना होइन। तीन वर्ष यता हरेक वर्ष उत्तरी गोरखाबाट उडेको हेलिकोप्टर दुर्घटना परेको घटना दोहोरिइरहेका छन्।
आजको नागरिक दैनिकमा खबर छ ।
प्रतिक्रिया