उदयपुरमा बलात्कारको अभियोगमा पाँच जनालाई जनही साढे १० वर्ष जेल सजाय

उदयपुर १७,असोज। उदयपुर जिल्लाको  कटारी नगरपालिकामा  १४ वर्षीय बालिकालाई सामूहिक बलात्कार गर्नेलाई जिल्ला अदालतले जनही १० वर्ष ६ महीना जेल सजायको फैसला गरेको छ।बालिका बलात्कार गर्ने पाँचै जनालाई जेल सजायसँगै दुई लाख क्षतिपूर्तिको फैसला गरेको हो।

सजाय पाउने पाँच जनाको उमेर १५ वर्षदेखि १८ वर्ष रहेको छ।जिल्ला न्यायाधीश तेजेन्द्रप्रसाद शर्माको एकल इजालासले  सामूहिक बलात्कार गर्नेलाई जिल्ला अदालतले जनही १० वर्ष ६ महीना जेल सजायको फैसला गरेको हो

१६ वर्ष नपुगेका एक जनालाई तत्काल सुधारगृहमा पठाउने तथा १६ वर्ष माथिकालाई कारागार पठाउने तयारी भइरहेको छ।१५ वर्षीय अभियुक्तलाई भने सात वर्ष जेल सजायको फैसला भएको हो ।  २०७४ भदौ १६ गते पाँचै जनाले कटारीको खेलकुद मैदानमा १४ वर्षीया बालिकालाई बलात्कार गरेका थिए।