निर्मलाका हत्यारा पत्ता नलागेपछि आमाबा धर्नामा

काठमाडौं । कन्चनपुरमा बलात्कारपछि हत्या गरिएकी निर्मला पन्तका आमाबा हत्यारा पत्ता लाग्ने कुनै उपाय नलागेपछि धर्नामा बस्ने भएका छन ।

आज छोरीको हत्या भएको १ सय ९ दिन पुगेको छ । तीन महिना बढी भैसक्दासमेत हत्यारा पत्ता नलाग्दा आमाबा धर्ना बस्न लागेका हुन् ।

छिटोभन्दा छिटो हत्यारा पत्ता लगाइ कार्वाहीको माग राख्दै कन्चनपुर जिल्ला प्रशासन अगाडि धर्ना बस्ने भएका हुन् । कन्चनपुरका अन्य अधिकारकर्मी समेत धर्नामा सहभागी हुने बताइको छ ।
निर्मलाका आमाका अनुसार आज ११ बजेदेखि जिल्ला प्रशासन कार्यालय कञ्चनपुरको कार्यालय अगाडि धर्ना शुरु गर्नेछन् ।

निर्मलाको बलात्कारपछि हत्या भएको विषयमा अनुसन्धान गर्न समिति बनाइए पनि प्रभावकारी छानविन हुन सकेको छैन । घटनाको प्रमाण जुटाउन दोषी पाइएका दुईजना प्रहरी अधिकारीलाई बर्खास्त गरिएको छ ।

घटनाको अनुसन्धानका क्रममा पछिल्लोपटक चारजनाको डीएनए परीक्षणका लागि पठाइएको छ ।
सामाजिक सञ्जालमा समेत निर्मलाका हत्यारालाई पक्राउ गर्न नसकेको भन्दै सरकारको व्यापक आलोचना भैरहेको छ ।