अर्घाखाँची,इलाम,बुटवल,ताप्लेजुङ,प्यूठान को ताजा पारीणाम

फुङलिङ नगरपालिकामा एमालेको अग्रता कायम छ । एमालेका उम्मेदवार छत्रपति प्याकुरेलले १९५ मत प्राप्त गरेका छन् । काग्रेसका मेयरका उम्मेदवार केशव प्रसाद दाहालले १२८ मत र संघिय लिम्बूवान मंञ्चका कृतीमान मादेनले ६५ मत प्राप्त गरेका छन् । मेयरका स्वतन्त्र उम्मेद्वार छविन्द्र गुरुङले १ मत ल्याएका छन् ।

खगेन्द्र पोर्तेलले मत ल्याएका छैनन् । उपमेयरमा एमालेका विमला सुब्बा १७१ मत,नेकपा माओवादी केन्द्रका बम बहादुर भट्टराई तारा ९९ र राप्रपाका अमिर मादेनले ८७ मत ल्याएका छन् । नयाँ शक्तिका उम्मेदवार कृष्ण शङकरले ५ मत ल्याएका छन् । वडाअध्यक्षमा एमालेका पदम सुनुवार २०९ र माओवादी केन्द्रका दिल कुमार मादेनले १५३ मत ल्याएका छन् । हाल मतगणना वडा नं. १ को मात्र भैरहेको छु । कुल ५ सय २० मत खसेको छ ।

मैवाखोला गाउँपालिकामा पनि एमालेमा उम्मेद्वार राजन थक्लुङले १४९ मत प्राप्त गरेर अग्रता कायम गरेका छन् । गाउँपालिका प्रमुखमा काग्रेसका डम्बर चोङवाङले १०१ मत र नेकपा माओवादी केन्द्रका नविन वनेमले ७२ मत ल्याएका छन् । राप्रपाका बेनु प्रसाद श्रेष्ठले ५ मत ल्याएका छन् ।

उपाध्यक्षमा एमालेकी कौशिला लिम्बू थक्लुङले ६७ मतसहित प्रारम्भिक अग्रता लिएका छन् । काग्रेसकी सृजना लिम्बूले ४३ र नेकपा माओवादी केन्द्रकी सुस्मिता वनेमले २२ मत ल्याएकी छन् ।

यता मेरिङ्देन गाउँपालिकामा एमालेका अध्यक्षका उम्मेदवार मंगलसिंह केदमले ४१९ मत ल्याएका छन् । काग्रेसका अध्यक्ष  पदका गणेश प्रसाद चोङवाङले २५१ मत ल्याएका छन् । गाउँपालिका उपाध्यक्षमा एमालेका कल्पना सामेखामले ४३५ मत ल्याएका छन् । नेकपा माओवादी केन्द्रका उपाध्यक्ष उम्मेदवार भिम केदेमले ९२ मत ल्याएका छन् । वार्ड नं. ६ नाल्बुको मतगणना सकिएको छ ।

एमालेको प्यानलनै विजयी भएको छ  नेकपा एमालेका उम्मेद्वार ठाकुरसिंह लिम्बू विजयी भएका छन् । लिम्बुले ३९२ मत ल्याएर विजयी हुनुभएको छ । पराजित काग्रेसका जयनारायण लिम्बूले २३६ मत ल्याएका छन् । विजयी सदस्यहरु वीना कुमारी शेर्पा ४०१,दलित महिला सदस्य देवी माया नेपाली ४०७,पूरुषसदस्यतर्फ पुरा लिम्बूको ४१० र पासाङ छिरिङ शेर्पा ३९६ मतका साथ विजयी हुनुभएको सहायक निर्वाचन अधिकृत भिम कुमार बस्नेतले जानकारी दिनुभयो ।

आठराई त्रिवेणी गाउँपालिका अध्यक्षमा काग्रेसका विश्व सिटौलाले अग्रता लिएका छन् । सिटौलाले ४३ मत ल्याएका छन् । एमालेका लक्ष्मी बहादुर याक्सोले ४० मत ल्याएका छन् । नेकपा माओवादी केन्द्रका बालचन्द्र आङवुहाङले १९ मत ल्याएका छन् । उपमेयरमा एमालेकी मंञ्जु भट्टराईले ४२ मत ल्याएका छन् । काग्रेसका ममता हुक्पाचोङवाङले ३८ मत ल्याएका छन् । राप्रपाका कालीदास आङवुहाङले २ मत ल्याएका छन् ।

याङवरक गाउँपालिकामा एमालेका अध्यक्षका  उम्मेद्वार केशर कुमार मेन्याङबोले ५० मत ल्याएका छन् । काग्रेसका राम कङलिवाले ४४ मत ल्याएका छन् । उपाध्यक्षमा एमालेका रन माया गुरुङले ४९ मत ल्याएका छन् । माओवादी केन्द्रका नेत्र नेपालीले ३६ मत ल्याएका छन् ।

उता सिदिङवा गाउँपालिका अध्यक्षमा एमालेका मान वहादुर राईले ६९ मत ल्याएका छन् । काग्रेसका नर वहादुर कडरियाले २६ मत ल्याएका छन् । उपाध्यक्षमा एमाले र संघिय लिम्बुवान मंञ्च नेपाल गठनबन्धनका डीवी खुदाङले ४३ मत ल्याएका छन् । काग्रेस र माओवादी केन्द्र गठनबन्धनका जीवन ताम्लिङले २४ मत ल्याएका छन् । सिदिङवा गाउँपालिका केन्द्र साब्लाखुमा मतदान जारी छ ।

यसैबिच सिरिजङगा गाउँपालिकामा ३ सय मत गणना भएको छ । एमालेका अध्यक्षका उम्मेद्वार अनन्त बहादुर साँवा २०४ मतका साथ अग्रस्थानमा रहेका छन् । काग्रेसका टीकाराम गुरुङले ५९ मत ल्याएका छन् । माओवादीका केन्द्रका तेज शम्सेर भट्टराई काजीले २७ मत ल्याएका छन् ।  उपाध्यक्षमा एमालेका लीलामाया दाहालले १६४ मत ल्याएका छन् । काग्रेसका ज्ञानुमाया चौहान गौतमले ५८ मत ल्याएका छन् ।

संघिय लोकतान्त्रिक राष्ट्रिय मंञ्च भूपेन्द्र थेवे लिम्बुले ३९ मत ल्याएका छन् । राप्रपाले ११ मत ल्याएका छन् । वडा नं. १ सिनामको वडाअध्यक्षमा एमालेका उर्मिला थेबेले १८० मत ल्याएका छन् । काग्रेसका सुनिल थेबेले १०८ मत ल्याएका छन् ।

जिल्लामा कुल ७० हजार ७ सय ७८ मतदातामध्ये ५० हजार ३ सय ४९ मत खसेको छ । कुल ७१.१ प्रतिशत खसेको हो । याङमामा मत पेटिका ढुवानीका लागि हेलिकप्टर गएपनि खराब मौसमका कारण फर्किएको छ । फक्ताङलुङ गाउँपालिकाको मतगणना अब कम्तिमा असार १६ गते बेलुकीसम्ममा मात्र हुने भएको छ ।

मिक्वाखोला गाउँपालिकाको पनि मतगणना सुरु भएको छ । यद्यपी अझैसम्म परिणाम सार्वजनिक गरिएको छैन् ।