बजाजले ल्यायो १ लाख ३२ हजार पर्ने सस्तो कार

भारतीय अटो कम्पनी बजाजले सस्तो मूल्यको सानो कार बजारमा ल्याएको छ । २७५२ लम्बाई, चौडाई १३१२, उचार्इं १६५२ र ह्विलबेस १९२४ मिलिमिटर रहेको उक्त कार कम्पनीले इन्डोनेसियाबाट लन्च गरेको हो ।

डिजिटल ट्राइस्पार्क फोर भल्भ इन्जिन राखिएको कारमा ०.२ लिटरको वाटरकुल्ड छ भने ५ वटा गियरबक्स रहेको छ । प्रतिलिटर ३६ किलोमिटर माइलेज रहेको कम्पनीको दाबी छ ।

विभिन्न ६ वटा रङमा उपलब्ध यो कारमा एसी, पावर स्टेरिङ, वापर विन्डो, विद्युतीय मिरर र अडियो सिस्टम जस्ता विशेषता पनि रहेको छ ।

२१६.६ सीसीको इन्जिन रहेको कारको अधिकतम् गति ७० किलोमिटर रहेको छ । उक्त कारको शुरुवाती मूल्य १ लाख ३२ हजार भारु रहेको छ । तर, शुरुवाती मूल्यको कारमा भने कम सुविधा हुनेछ ।यसभन्दा अघि भारतीय अटोमोबाइल कम्पनी टाटाले सन् २००९ मा विश्वकै सबैभन्दा सस्तो कार भनेर नानो कार ल्याएको थियो ।