बैतडीका दुई गाउँपालिका र दुई नगरपालिकामा मतगणना सुरु
सारांश
- बैतडी, असार १५ – बैतडीका चारवटा स्थानीय तहमा मतगणना सुरु भएको छ ।
- मेलौली नगरपालिका, पुर्तौडी नगरपालिका, पञ्चेश्वर गाउँपालिका र शिवनाथ गाउँपालिका मतगणना सुरु भएको हो ।
- पुर्तौडीको वडा नम्बर १ मा बिहीबार बिहान २ बजेदेखि सुरु मतगणनामा कांग्रेसका मेयर उम्मेदवार दीपक बमले अग्रता लिनु भएको छ ।
बैतडी, असार १५ – बैतडीका चारवटा स्थानीय तहमा मतगणना सुरु भएको छ । मेलौली नगरपालिका, पुर्तौडी नगरपालिका, पञ्चेश्वर गाउँपालिका र शिवनाथ गाउँपालिका मतगणना सुरु भएको हो ।
पुर्तौडीको वडा नम्बर १ मा बिहीबार बिहान २ बजेदेखि सुरु मतगणनामा कांग्रेसका मेयर उम्मेदवार दीपक बमले अग्रता लिनु भएको छ । उहाँले २ सय मत ल्याउनु भएको छ ।
यस्तै माओवादी केन्द्रका रणबहादुर कुँवरले १ सय ३५ र एमालेका कर्णबहादुर कुँवरले ४१ मत ल्याउनु भएको छ । उपमेयरमा कांग्रेका उत्तरा नेपालले १ सय ६४, एमालेका जानकी साउदले २७ र माओवादी केन्द्रका जानकी बमले १ सय ६८ मत ल्याउनु भएको छ ।
मेलौली नगरपालिकाको वडा नम्बर १ को कांग्रेसका कृष्ण सिंह नायकले १ सय १४, एमालेका जगदिश सिंह नायकले ६३, माओवादी केन्द्रका भीमबहादुर चन्द ‘भूकम्प’ ले ३७ मत ल्याउनु भएको छ ।
शिवनाथ गाउँपालिकाको वडा नम्बर १ को अध्यक्षमा कांग्रेसका कर्ण साउदले १ सय १८, एमालेका भरत मडईले १ सय ३५, माओवादीका धनवीर धनाडीले १४ मत ल्याउनु भएको छ । यस्तै राप्रपाका मदनसिंह साउदले २१ मत ल्याउनु भएको छ ।
प्रतिक्रिया