आफैले जन्माएको नवजात शिशु हत्याको अभियोगमा आमा पक्राउ
सारांश
- तनहुँ, पुस ४।
- नबजात शिशुको हत्या आरोपमा एक महिला पक्राउ परेकी छन्।
- भानु नगरपालिका–३ दोरदोर बस्ने ३७ बर्षाीया लक्ष्मी गन्दर्भ नबजात शिशुको हत्या आरोपमा पक्राउ परेकी हुन्।
तनहुँ, पुस ४। नबजात शिशुको हत्या आरोपमा एक महिला पक्राउ परेकी छन्। भानु नगरपालिका–३ दोरदोर बस्ने ३७ बर्षाीया लक्ष्मी गन्दर्भ नबजात शिशुको हत्या आरोपमा पक्राउ परेकी हुन्।
मंगलबार भानु–३ चण्डीथोकस्थित पाखो बारीमा महिलाले लगाउने सुरुवालले घाँटीमा कसेर बेरेको अवस्थामा लिङ्ग पहिचान नभएको नवजात शिशुको शव फेला परेपछि स्थानीयले प्रहरीलाई खवर गरेका थिए।
प्रहरी अनुसन्धानको क्रममा लक्ष्मीले आफुले जन्म दिएको नवजात शिशुलाई सोहीदिन आफैले मारेर फालेको बताएको जिल्ला प्रहरी कार्यालय तनहुँका प्रमुख प्रहरी उपरिक्षक सिद्धिविक्रम शाहले बताए।
उनका श्रीमान विगत ४ वर्षदेखि वैदेशिक रोजगारीको शिलसिलामा कतारमा छन्। श्रीमान विदेश भएका समयमा पर–पुरुषसँगको संसर्ग भएको र त्यसकै कारण बच्चा जन्मिएको अनुसन्धानमा खुलेको प्रहरीले जनाएको छ।
परपुरुषको बच्च भएकाले शिशु जन्मदिएकै दिन हत्या गरेको गन्र्दभले बयान दिएको प्रहरीको भनाई छ । परपुरुषको खोजी कार्य भइरहेको प्रहरीले जनाएको छ।
प्रतिक्रिया