आजदेखि अन्तराट्रिय उडानमा ‘मन्ट्रियल’ महासन्धि लागू हुने

काठमाडौं, २९ मंसिर । अन्तराष्ट्रिय हवाई उड्डयन यात्रीका लागि निश्चित एकीकरण गर्ने ‘मन्ट्रियल’ महासन्धि आजदेखि लागू हुने भएको छ । अन्तराष्ट्रिय हवाईयात्रीहरुको सुरक्षाका लागि नेपालले मन्ट्रियल महासन्धी दिवसको अवसरमा आजदेखि महासन्धि लागू गर्न लागिएको हो ।

मन्ट्रियल महासन्धि लागू भएपछि नेपालको हवाई क्षेत्र अझ सुरक्षित हुने नागरिक उड्डयन प्राधिकरणले जनाएको छ । महासन्धिमा विमान चढ्दा, ओर्लंदा र सवार रहँदा यात्रीको मृत्यु भएमा वा चोटपटक लागेमा पाउने क्षतिपूर्तिको मात्रा बढाइएको छ ।

दुर्घटनाबाट यात्रीको मृत्यु, चोटपटक लागेमा एक लाख १३ हजार १०० एसडीआर अर्थात् एक लाख ५८ हजार ३४० अमेरिकी डलर पाउनेछ । यसअघि, वार्सा र हेग अभिसन्धिअनुसार २० हजार अमेरिकी डलरमात्र दायित्व रहेको थियो । यो महासन्धि अनुमोदन गर्ने नेपाल १३५ औं राष्ट्र हो ।