अपडेटः आयो २२८ स्थानको नतिजा, एमालेले पार गर्यो शतक
सारांश
- काठमाडौँ ।
- स्थानीय तहको दोस्रो चरणमा असार १४ गते ३३४ स्थानीय तहका लागि भएको निर्वाचनको अन्तिम परिणाम प्राप्त हुने क्रम जारी रहेको छ ।
- प्रदेश नम्बर १, ५ र ७ को १९८ स्थानको मत परिणाम अनुसार नेकपा एमालेले १०१ स्थानमा विजय प्राप्त गरेको छ ।
काठमाडौँ । स्थानीय तहको दोस्रो चरणमा असार १४ गते ३३४ स्थानीय तहका लागि भएको निर्वाचनको अन्तिम परिणाम प्राप्त हुने क्रम जारी रहेको छ । प्रदेश नम्बर १, ५ र ७ को १९८ स्थानको मत परिणाम अनुसार नेकपा एमालेले १०१ स्थानमा विजय प्राप्त गरेको छ । पहिलो चरणको निर्वाचनमा पहिलो शक्ति बनेको एमाले दोस्रो चरणमा पनि पहिलो शक्ति बन्ने लक्षण देखाएको छ ।
नेपाली कांग्रेसले ८९ र माओवादी केन्द्रले २9 स्थानीय तहमा जित हात पारेको छ । अहिलेसम्म राष्ट्रिय जनमोर्चाले दुर्इ र संघीय समाजवादी फोरम र नयाँ शक्तिले ६ र फोरम लोकतान्त्रीक र राप्रपाले एक -एक स्थानीय तह जितेका छन् । नगर र गाउँपालिका दुवैमा एमाले केही अग्रस्थानमा छ । प्रदेश एक र ५ मा एमाले बलियो देखिएको छ भने प्रदेश नम्बर ७ मा म नेपाली कांग्रेस अगाडी देखिएको छ ।
उपमहानगरमा एमाले धेरै ठाउँमा अगाडी छ । बिरानगर महानगरपालिका, इटहरी, धनगढी नगरपालिकामा कांग्रेस अगाडी रहेको छ । बटुवल, तुलसीपुर, घोराही, धरान उपमहानगरमा एमाले अगाडी छ । नेपालगञ्ज नगरपालिकामा भने राप्रपा फराकिलो अन्तरले अगाडी देखिएको छ । मतगणना जारी रहेका तीन प्रदेशका मुख्य सहरका उपमहानगरपालिकामा पनि कांग्रेस र एमालेबीच नै प्रतिस्पर्धा जारी छ । उपमहानगरमा मतगणना निकै सुस्त भएकाले उपमहानगरको मतपरिणाम आउन अझै एक साता लाग्ने बताइएको छ । तीन दिनसम्ममा उपमहानगरमा करिब १० हजार हाराहारीमा मात्रै मत गनिएको छ ।
प्रतिक्रिया