अलविदा आत्मिय पत्रकार मित्र कर्ण बोहोराजी…

बिचित्र छ सन्सार! कहाली लाग्दो छ कथा!! अनि आर्तनाद र दर्दनाक छ भोगाइ हरेक पात्रहरुको!!!
पढेको थिए कुनै कथामा, हेरेको थिए कतै पर्दामा । तर, कसैको वास्तविक जीवनमा यतिधेरै दर्दनाक पीडा देखेको थिइँन । यो तस्बिर पत्रकार कर्ण बोहोरालाई उहाँको आमाले पशुपति आर्यघाटमा अन्तिम बिदाई गरिरहनुभएको तस्बिर हो । जसले यो छोरो (कर्णजी) जन्मिनु तीनमहिना अघि नै जीवनसाथी गुमाउनुभयो । उहाँको जीवनसाथीलाई डाकाले हत्या गरीदिए । यसपछि छोरा र बुहारी गुमाउनुभयो । आज फेरि अर्को छोरालाई यसरी बिदाई गर्नुपर्यो । बुहारी दुइवटै मृगौला काम नलाग्ने भएर अस्पतालको सैंयामा छटपटिरहनुभएको छ । हामीसँग उहाँलाई सम्झाउने कुनै शब्द नै थिएन । उहाँले जस्तै आँशु झार्नु बाहेक ।
खै के लेखौ ? खै के भनाैं ?? मन भारी भएकाे छ । यति भनौं, प्रिय कर्णजी अलविदा !!

प्रस्तुति: समिप गौतम
शिखरन्युज