आइजीपीबारे देउवाले मुख खोले
सारांश
- नेपाली कांग्रेसका सभापति शेरबहादुर देउवाले नेपाल प्रहरीको आइजीपी नियुक्ति गर्ने अधिकार सरकारको भएको भन्दै अदालतलाई जवाफ दिएका छन् ।
- बिराटनगरमा आयोजित नेपाली कांग्रेसको चुनाव लक्षित सभालाई सम्वोधन गर्न शुक्रबार बिहान बिराटनगर गएका सभापति देउवाले विमानस्थलमा पत्रकारसँग कुरा गर्ने क्रममा आइजीपी प्रकरणबारे मुख खोलेका हुन् ।
- सरकारले जयबहादुर चन्दलाई आएजीपी नियुक्त गरेकोमा सर्वोच्च अदालतले रद्द गरिदिइसकेको छ ।
नेपाली कांग्रेसका सभापति शेरबहादुर देउवाले नेपाल प्रहरीको आइजीपी नियुक्ति गर्ने अधिकार सरकारको भएको भन्दै अदालतलाई जवाफ दिएका छन् ।
बिराटनगरमा आयोजित नेपाली कांग्रेसको चुनाव लक्षित सभालाई सम्वोधन गर्न शुक्रबार बिहान बिराटनगर गएका सभापति देउवाले विमानस्थलमा पत्रकारसँग कुरा गर्ने क्रममा आइजीपी प्रकरणबारे मुख खोलेका हुन् ।
सरकारले जयबहादुर चन्दलाई आएजीपी नियुक्त गरेकोमा सर्वोच्च अदालतले रद्द गरिदिइसकेको छ । र, अदालतले नवराज सिलवाललाई आइजीपी बनाउनुपर्ने गरी आदेश दिए पनि सरकारले यसबारे कुनै निर्णय भएको छैन । यसबारेमा पत्रकारले जिज्ञासा राख्दा कांग्रेस सभापति देउवाले आइजीपी नियुक्त गर्ने अधिकार सरकारको भएको बताएका थिए ।
देउवाले अदालतको नाम नलिई आईजीपी बनाउने अधिकार सरकारमा रहेको भन्दै यो विवाद चाँडै सरकारले टुङ्याउने बताए ।
सञ्चारकर्मीले अब फेरि जयबहादुर चन्दलाई आइजीइपी बनाउने हो ? भनेर देउवालाई प्रश्न गरेका थिए । जवाफमा देउवाले भने- ‘हेर्दै जाउँ, आईजीपी को हुन्छ !’
प्रतिक्रिया