आज सय वर्षकै लामो ४ घण्टा चन्द्र ग्रहण लाग्दै
सारांश
- काठमाडौं ११ साउन ।
- आज सय वर्षकै लामो ४ घण्टासम्म चन्द्रग्रहण लाग्दैछ ।
- अंग्रेजी पात्रोअनुसार २१ औं शताब्दीकै सबैभन्दा लामो चन्द्रग्रहण हुने बताइएको छ ।
काठमाडौं ११ साउन । आज सय वर्षकै लामो ४ घण्टासम्म चन्द्रग्रहण लाग्दैछ । अंग्रेजी पात्रोअनुसार २१ औं शताब्दीकै सबैभन्दा लामो चन्द्रग्रहण हुने बताइएको छ ।
आज राति १२ बजेर ९ मिनेटबाट शुरु हुने चन्द्रग्रहण बिहान ४ बजेर ४ मिनेटमा सकिनेछ। खग्रास चन्द्रग्रहण १ घण्टा ४३ मिनेटसम्म लाग्नेछ । चन्द्र ग्रहण लाग्नेबेला चन्द्रको रङ गाढा रातो देखिने बताइएको छ ।
सवा १ बजेसम्म चन्द्रमालार्इ पृथ्वीको छायाले धपक्कै छोप्नेछ। मंगलग्रह चन्द्रमा नजिक हुने हुँदा ग्रहण लागेको बेला चन्द्रमालाई खुला आँखाले देख्न सकिनेछ । चार वर्ष अघि २०७१ चैत २१ मा शताब्दीको सबैभन्दा छोटो पाँच मिनेटको चन्द्रग्रहण लागेको थियो।
नेपाल एस्ट्रोनोमिकल सोसाइटीका अध्यक्ष सुरेश भट्टराईका अनुसार चन्द्रमा पृथ्वीको सघन छायाबाट पार गर्दा मध्यभाग हुँदै जानेछ । नेपालसहित दक्षिण एशिया, हिन्द महासागर क्षेत्र, अफ्रिका, मध्यपूर्व र एशिया प्रशान्त क्षेत्रबाट चन्द्रग्रहण देखिने उनले बताए।
प्रतिक्रिया