आनी छोइङ डोल्माको कनेक्सन फ्रि-तिब्बततिर ?
सारांश
- चर्चित गायिका तथा समाजसेवी आनी छोइङ डोल्माको मेघा बैंकस्थित खातामा १५ लाख अमेरिकी डलर(१८ करोड नेरु) जम्मा भएको घटनाले अहिले नेपालको आर्थिक मात्र होइन राजनीतिक र काठमाडौंस्थित विदेशी कूटनीतिक क्षेत्रलाई समेत तताइदिएको छ ।
- उनको खातामा यति ठूलो रकम कहाँबाट के उद्देश्यले आयो भन्ने सन्तोषजनक जवाफ आनीले दिन सकेकी छैनन् भने यो रकमको वैधानिक स्रोत पनि उनले सार्वजनिकरुपमा खुलाउन सकेकी छैनन् ।
- उनको खातामा आएको १५ लाख अमेरिकी डलरको स्रोत खुल्न नसकेपछि मेघा बैंकले यो रकम आनी छोइङ डोल्मालाई भुक्तानी गर्न अस्वीकार गरेको छ र स्रोत बिनाको १५ लाख डलर आनीको खातामा जम्मा हुन आएको सम्बन्धमा नेपाल राष्ट्र बैंक र सम्पत्ति शुद्धीकरणलाई मेघा बैंकले जानकारी गराएको स्रोत बताउछ ।
चर्चित गायिका तथा समाजसेवी आनी छोइङ डोल्माको मेघा बैंकस्थित खातामा १५ लाख अमेरिकी डलर(१८ करोड नेरु) जम्मा भएको घटनाले अहिले नेपालको आर्थिक मात्र होइन राजनीतिक र काठमाडौंस्थित विदेशी कूटनीतिक क्षेत्रलाई समेत तताइदिएको छ । उनको खातामा यति ठूलो रकम कहाँबाट के उद्देश्यले आयो भन्ने सन्तोषजनक जवाफ आनीले दिन सकेकी छैनन् भने यो रकमको वैधानिक स्रोत पनि उनले सार्वजनिकरुपमा खुलाउन सकेकी छैनन् ।
उनको खातामा आएको १५ लाख अमेरिकी डलरको स्रोत खुल्न नसकेपछि मेघा बैंकले यो रकम आनी छोइङ डोल्मालाई भुक्तानी गर्न अस्वीकार गरेको छ र स्रोत बिनाको १५ लाख डलर आनीको खातामा जम्मा हुन आएको सम्बन्धमा नेपाल राष्ट्र बैंक र सम्पत्ति शुद्धीकरणलाई मेघा बैंकले जानकारी गराएको स्रोत बताउछ ।
यस सम्बन्धमा नेपाल राष्ट्र बैंकसंगै सम्पत्ति शुद्धीकरण र नेपाल प्रहरीको सीआईबीले अनुसन्धान अगाडि बढाइराखेको खबर छ । स्रोत नखुलेको यति ठूलो रकम एउटी गायिकाको खातामा आएको सम्बन्धमा अहिलेसम्म नेपाल सरकारले केही बोलेको छैन ।
रहस्यमय यो रकम हङकङस्थित एसेट म्यानेजमेन्ट कम्पनीको एकजना व्यक्तिले पठाएको बताइएको छ । तर यो रकमको तार स्वतन्त्र तिब्बत आन्दोलनसंग जोडिएको त छैन भन्ने प्रश्न पनि उठ्ने गरेको छ । आनी छोइङ डोल्माको रहस्यमय गतिविधिका बारेमा सुरक्षा निकायका साथै कूटनीतिक क्षेत्रले समेत चासो व्यक्त गर्न थालेको गृह स्रोत बताउछ ।
‘विदेशबाट रकम भित्र्याउन नेपाल सरकारसंग अनुमति लिनुपर्नेमा सरकारका कुनै पनि निकायलाई जानकारीसमेत नदिई करीब २० करोड रुपैयाँ उनले भित्र्याइसकेकी छिन् । अनुसन्धानमा संलग्न उच्च अधिकारीले भने, ‘पछि आउन खोजेको १८ करोडभन्दा बढी रुपैयाँ भने नेपाल राष्ट्र बैंकले रोकिदिएको छ ।’ साँघुन्युजबाट
यो पनि पढ्नुस्
भोली स्याक्समाण्डुमा गुन्जदै शुभबहादुर
चर्चित स्याक्सोफोनवादक तथा संगीतकार शुभबहादुर सुनामको एकल सांगीतिक प्रस्तुति हुने भएको छ । सांस्कृतिक संस्थानको आयोजनामा हुन लागेको स्याक्समाण्डु शिर्षकमा हुन लागेको कार्यक्रममा सुनामले चर्चित गीतहरुमा स्याक्साफोन वादन गर्ने छन् । कार्यक्रम भोली साँझ ५ बजे राष्ट्रिय नाँचघर, जमलमा हुँदैछ । कार्यक्रममा उनलाई अमूल कार्की लगायतका चर्चित वाद्यवादकले साथ दिने सांस्कृतिक संस्थाका महाप्रवन्धक राजेश थापाले बताए ।
कार्यक्रममा सुभन लिम्बु, रोमिन सुनाम, मदन सिंह नेपाली लगायतका कलाकारले गायन प्रस्तुत गर्नेछन् । कुशलवाद्यवादकको परिचय बनाएका शुभबहादुर २००५ पुस २१ गते काठमाडौैँको क्षेत्रपाटीमा जन्मिएका हुन् । सुनामको परिवारका अधिकांस संगीत क्षेत्रमा आवद्ध छन् । सैनिक ब्याण्डमा समेत आवद्ध भएका सुनाम जर्नेल पदबाट अवकाश प्राप्त बाद्यवादक हुन् ।
प्रतिक्रिया