आयुष्मान र शिल्पा के गर्दैछन् बैंककमा ?

काठमाडौं । चलचित्र ‘सानो मन’को निर्माण टिम र कलाकार यतिखेर थाइल्याण्डको राजधानी बैंककमा छायांकनमा व्यस्त छन् । शीर्ष गीतसहित केही दृष्यको छायांकन साताअघि पुगेको टोलीले पतायाको समुद्री किनारमा सुट गरिरहेको छ । गीतमा चलचित्र अभिनेता आयुष्मान देशराज जोशी र अभिनेत्री शिल्पा मास्के रोमान्टिक मुद्रामा देखिएका छन् । गीत निर्देशक सुयोग गुरुङले कोरियोग्राफी गरिरहेका छन् ।

हालैमात्र छायांकन स्थलबाट निर्माण पक्ष केही तस्वीर पठाएका छन् । रोहितजोन क्षत्रीको स्वर रहेको सो गीतमा स्वप्निल शर्माको शब्द तथा सुयोग सोताङको संगीत छ । पतायाको छायांकन सकेर सानो मन युनिट यतिबेला बैंकक पुगेको हो । सोमबारदेखि बैंककका विभिन्न रमणीय स्थानहरूमा बाँकी छायांकन सुरु गरिएको पनि चलचित्रका निर्माता राजेन्द्र मानन्धर जानकारी गराए । चलचित्रको छायांकन आलोक शुक्लले गरिरहेका छन्