घाँटीको पछाडिको कालो यसरी हटाउनुस्

प्राय धेरैको घाँटीको पछाडिको भाग कालो हुने समस्या रहेको हुन्छ । यस्तो समस्याबाट पीडित बनेका कतिपयले छाला गोरो बनाउने विभिन्न उपायहरु अपनाएको पनि होला । क्रिम तथा विभिन्न तरिकाले अनुहार गोरो बनाएता पनि घाँटी पछाडिको भाग कालो हुनुको पीडाले त्यसले मात्रै महशुष गर्न सक्छ जसको घाँटीक पछाडिको छाला कालो भएका हुन्छ ।

घाँटीको पछाडिको भाग कालो भए पछि गर्मीको समयमा तथा पार्टीहरुमा पछाडीको गला खोलेको कपडा लगाउन समेत निकै हिचकिचाउनु पर्ने हुन्छ । तर चिन्ता नलिनुस निरन्तर रुपमा केही घरेलु उपायहरुलाई अपनाउने हो भने यो समस्या हटाउन सकिन्छ ।

घाटीको पछाडिको कालो कसरी हटाउँने ?
गाईको दुभ बच्चादेखि वृद्धवृद्धासम्मका लागि निकै लाभदायक र पोषिलो मानिन्छ । दुधको प्रयोग पिउनलाई मात्रै नभई शौन्दर्य सामग्रीको रुपमा पनि गर्न सकिन्छ । छालाका लागि त गाईको काँचो दुध अत्यन्तै लाभदायक मानिन्छ ।

घाँटीको कालो भाग हटाउन काँचो दुध उपयुक्त माध्यम हो । यदी तपाईको घाँटीको पछाडिको भाग कालो छ भने काँचो दुध कालो भएको ठाउँमा कपडाको सहायताले लगाउनुहोस् । त्यसपछि तातो पानीमा कपडा चोबेर त्यसको वाफ बिस्तारै छालामा लगाउनुस् ।

काँचो दुध लगाई सके पछि अब चिनी र कागती मिलाएर हल्का मसाज गर्नुहोस् । यसो गर्दा छाला सफा हुन्छ ।

यसबाहेक कालो छाला गोरो बनाउन मुलतानी माटो पनि महत्वपूर्ण मानिन्छ । त्यसैले कालो छालालाई गोरो बनाउने भए छालाको लागि अत्यन्तै राम्रो मानिने मुलतानी माटो लिनुहोस् । मुलतानी माटोमा दुध,, चामलको पीठो, कागती र मह मिसाएर पेस्ट बनाउनुहोस् । र, त्यो पेस्ट छालामा लगाएर ३० मिनेटसम्म यत्तिकै छोडि दिनुस् । ३० मिनेट पछि सफा पानीले धुनुहोस् । यो विधि नियमितरुपमा अपनाउने हो भने तपाईको घाँटीको पछाडिको कालो हुने समस्या केही दिनमै हटेर जानेछ ।
स्मरण रहोस्, यो विधि कालो भएको कुहिना, घाँटी पछाडीको भाग, काखी लगायत कालो भएको जुनसुकै भागको लागि पनि अपनाउन सकिन्छ ।