उदयपुर की एक युवती १ महीना देखि बेपत्ता:खोजीमा सबै मौन

उदयपुर त्रियुगा नगरपालिका- ७ चकलघाटकी १७ वर्षीया युवती तुलसा पोखरेल वेपत्ता भएकी छन् । भदौ २२ गते कक्षा १२ मा अध्ययनरत उनी कलेजको रजिष्ट्रेशन र्फम भर्न घरबाट हिँडेकी थिइन् तर, फर्किएर नआएको दाजु परशुराम पोखरेलले बताए,परिवारको सम्पर्कमा नरहेकी उनको खोजीमा प्रहरी ले चासो  नदेखायको  परिवारको गुनासो छ ।

मंगलबार आयोजित पत्रकार सम्मेलनमा उनले भने,’मेरी बहिनी भदौ २२ गतेदेखि सम्पर्कमा छैनन् । यो विषय प्रहरी प्रशासनलाई पनि जानकारी गराइसकेका छौं । तर, प्रहरीले बहिनीको खोजतलासमा ढिलासुस्ती गरेको हामीलाई महशुस भएको छ ।’माइती नेपाल र विभिन्न अधिकारकर्मीहरुसँग आफूहरुले बहिनीको खोजीको लागि हार गुहार गरेको पनि दाजु परशुरामले बताए,उनको मोवाइलको कल डिटेल र उनले प्रयोग गर्ने फेसबुक हेर्दा घरबाट निस्किएको दिन अर्थात् भदौ २२ गते बिहान जहानसिंह भुजेलसँग निरन्तर फोन सम्पर्क गरेको देखिएको तर, अहिले भुजेलको फोन अफ रहेकेा उनले बताए।