एनिमलकी ‘जोया’ ले कार्तिक आर्यनसँग आशिकी-३ मा रोमान्स गर्ने

मुम्बई। अभिनेत्री तृप्ती डिमरी यतिबेला आफ्नो फिल्म ‘एनिमल’ को सफलताको मजा लिइरहेकी छिन्।

अहिले नायिका र उनका फ्यानका लागि एउटा राम्रो खबर बाहिर आएको छ। रिपोर्टका अनुसार तृप्ती चाँडै ह्यान्डसम अभिनेता कार्तिक आर्यनसँग रोमान्समा देखिने भएकी छिन्।

वास्तवमा कार्तिक आर्यनले चाँडै नै आफ्नो बहुप्रतिक्षित फिल्म ‘आशिकी ३’ को सुटिङ सुरु गर्दैछन्। अब यो फिल्ममा नायिकासँगै तृप्ति डिमरी मुख्य भूमिकामा देखिने खबर बाहिर आएको छ। स्रोतका अनुसार अहिले यो जोडी फिल्मका लागि पक्का भएको छ । यो खबर सुनेपछि कार्तिक मात्र नभई तृप्तीका फ्यानहरु पनि खुशीले उफ्रिरहेका छन् र फिल्मको रिलिजको उत्सुकताका साथ पर्खिरहेका छन्।

पिंकभिलाको रिपोर्ट अनुसार कार्तिक आर्यन अब तारा सुतारियासँग नभई ‘आशिकी ३’ मा तृप्ति डिमरीसँग देखिने छिन्। निकट स्रोतले पनि यो खबरको पुष्टि गरेको छ। यो आशिकी फ्रेन्चाइजीको तेस्रो फिल्म हो। जहाँ राहुल रोय र अनु अग्रवाल ‘आशिकी’ मा देखिएका थिए। जहाँ ‘आशिकी २’ मा आदित्य रोय कपुर र श्रद्धा कपुरले आफ्नो सिजलिङ केमेस्ट्रीले फ्यानलाई पागल बनाएका थिए।

तृप्ती डिमरीको कुरा गर्ने हो भने अभिनेत्रीले हालै सन्दीप रेड्डी वाङ्गाको फिल्म ‘एनिमल’ मा रणवीर कपूरसँग रोमान्स गरेकी थिइन, जसलाई धेरैले मनपराएका थिए। फिल्ममा दुवैको इन्टिमेट दृश्यको निकै चर्चा भएको थियो। सो फिल्मबाट तृप्ती घर घरमा चर्चामा आएकी छिन्।

अनुराग बसुद्वारा निर्देशित ‘आशिकी ३’ को सुटिङ सन् २०२४ मा सुरु हुनेछ।