कमिशनपनि मेयरसापकैमा डाईरेक्ट जान्छ, के हो ? कसो हो ? मलाई थाहा छैन् उपमेयर खड्गी (भिडिओसहित)

काठमाडौं महानगरपालिकाकी उपप्रमुख हरिप्रभा खड्गीले महानगरले कोभिड–१९ को अस्पताल बनाउन नसकिएको गुनासो पोखिन् । उनले भनिन्,‘मैले त हरेक बोर्डको बैठकमा आफ्नो राखिरहेकी छु । हरेक वडामा क्वारेन्टिन बनाउनका ेलागि बजेट छुट्याईदिनुपर्छ भनेकै हो । आईसोलेशन राख्नुपर्यो भनेर मैले भनेकै हो नि । कि भने कोभिडको हस्पिटल छुट्टै बनाउन सक्नुपर्यो हामीले । यो चाहीँ अहिलेसम्म बनाउन सकिएन । किनकी हामीसँग बजेटपनि कमी छैन् ।’

हिजो राति प्राइम टाईम्स टेलिभिजनबाट प्रसारण भएको जनता जान्न चाहन्छन् कार्यक्रममा पत्रकार ऋषि धमलासँग कुरा गर्दै उपमेयर खड्गीले यस्तो बताएकी हुन् । पत्रकार धमलाले तपाईहरुलाई भ्रष्टाचार गर्नको लागि र पैसा कमाउन फाईदा छ नि ? भनेर सोधेको कडा प्रश्नमा उपमेयर खड्गीले भनिन्—‘भ्रष्टाचारको त मलाई भन्ने होईन, यो कुरा । महानगरपालिकामा भ्रष्टाचार भयो होला, त्यो आफ्नो ठाउँमा होला । भयो कि भएन भन्ने कुरा मलाई थाहा छैन् । मसँग प्रमाण छैन् ।’

उसो भए मेयर र उपमेयर मिलेर खाईरहनुभएको होला ? भनेर धमलाले सोधेको अर्को प्रश्नमा उनले भनिन्,यो विषयमा तपाई मलाई पेल्दै नपेल्नुहोस । किनभने पैसाको विषयमा मैले एक पैसा पनि छोएको छैन् । एक रुपैयाँपनि मैले पैसा छुँदिन् । कमिशनपनि मकहाँ आउँदैन् । मेयरसापकहाँ डाईरेक्छ जान्छ । कमिशन के हो ? कसो हो ? मलाई थाहा पनि छैन् । म चाहीँ स्वच्छ रुपमा जितेर जनताको सेवा गर्न गएको हुँ ।