काठमाडौँ र ललितपुरमा राप्रपा र एमालेबीच चुनावी तालमेल : राप्रपा प्रवक्ता
सारांश
- काठमाडौं, १९ बैशाख।
- काठमाडौंमा महानगरपालिकामा प्रमुख प्रतिपक्षी दल नेकपा एमाले र राप्रपावीच तालमेल हुने भएको छ ।
- दुबै महानगरपालिकामा एमालेले मेयर र राप्रपाले उपमेयरमा उम्मेद्वारी दिन दुबै दलका नेताहरु सहमत भएका छन् ।
काठमाडौं, १९ बैशाख। काठमाडौंमा महानगरपालिकामा प्रमुख प्रतिपक्षी दल नेकपा एमाले र राप्रपावीच तालमेल हुने भएको छ ।
दुबै महानगरपालिकामा एमालेले मेयर र राप्रपाले उपमेयरमा उम्मेद्वारी दिन दुबै दलका नेताहरु सहमत भएका छन् ।
एमाले र राप्रपाबीच उपत्यकाभित्रका दुई महानगरपालिका काठमाडौं र ललितपुरमा चुनावी तालमेल गर्ने सहमति भएको राप्रपाका प्रवक्ता सुशील श्रेष्ठले बताएका छन् ।
यो सहमति अनुसार काठमाडौ र ललितपुर महानगरपालिकामा एमालेले मेयर र राप्रपाले दुवैमा उपमेयरको उम्मेदवार उठाउने भएका छन् । काठमाडौँको मेयरमा एमालेले केही समयपछि उम्मेदवार तय गर्नेछ ।
राप्रपाका प्रवक्ता सुशील श्रेष्ठका अनुसार सहमति अनुसार नै बाबुकाजी महर्जनलाई ललितपुरको उपमेयरका लागि उम्मेदवारी दर्ता गराइसकेका छन् ।
एमालेले ललितपुरको मेयरमा हरिकृष्ण व्यञ्जनकारले उम्मेदवारी दिइसकेका छन् भने उपमेयरमा उम्मेदवारी दिएका सुकमाया तामाङले उम्मेदवारी फिर्ता लिनेछन् ।
चुनावनी तालमेलबारे एमाले अध्यक्ष केपी शर्मा ओली र राप्रपा अध्यक्ष कमल थापावीच सहमति भएको छ ।
प्रतिक्रिया