कालिकोटमा गोली चल्यो : म्यादी प्रहरीको मृत्यु, २ जना घाइते

कालिकोट, ७ पुस । म्यादी प्रहरीले कालिकोटमा गरेको आन्दोलनमा प्रहरीले गोली चलाउँदा एक जना म्यादी प्रहरीको ज्यान गएको छ । प्रहरीको गोली लागेर सान्नीत्रिवेणी गाउँपालिका वडा नम्बर ५ का विवेक ऐडीको मृत्यु भएको हो ।

प्हरीले गोली चलाउँदा एक बालकसहित अर्का एक म्यादी प्रहरी पनि घाईते भएका छन् । घाईतेको कालिकोटको जिल्ला अस्पतालमा उपचार भईरहेको अस्पतालका अध्यक्ष कृष्णबहादुर सिंहले जानकारी दिए ।

६१ हजार रुपैयाँ दिने भनिएकोमा तीन हजार कतौटी गरी ५८ हजार मात्र दिएको भन्दै म्यादी प्रहरीले सदरमुकाम मान्ममा प्रदर्शन गरेका थिए ।

प्रहरी प्रशासनविरुद्ध चर्को नाराबाजीसहित कार्यालय तोडफोड गर्न थालेपछि गोली चलाउनु परेको जिलला प्रहरी कार्यालय कालिकोटले जानकारी दिएको छ ।

निर्वाचनमा खटिएका म्यादी प्रहरीलाई आज सरकारले तोकेको रकम मध्ये ३ हजार कटौती गरी बाँकी तलब दिएर बिदा गरिएको थियो । त्यसपछि ९ सय ७३ जना म्यादी आन्दोलनमा उत्रेका थिए ।

यसो भन्छ घटनाबारे जिल्ला प्रहरी कार्यालय कालिकोट
प्रहरीको गोली लागेर मृत्यु भइसकेको खबर बाहिर आउँदा पनि जिल्ला प्रहरी कार्यालय कालिकोटले भने सामान्य घाइते भएर उपचारको लागि अस्पताल लगिएको बताउँदै आएको छ । प्रहरीका अनुसार घटना दिउँसो ३ बजेतिर भएको हो ।

प्रहरीविरुद्व पर्दशनमा उत्रिएपछि हवाई फायर मात्र गरिएको जिल्ला प्रहरी कार्यालय कालिकोटले बताएको छ । शिखरन्यूज डटकमको कुराकानीमा सेवासुविधा कम भएको भन्दै प्रदर्शनमा उत्रिएपछि हवाई फायर गरिएको एक प्रहरी जवानले बताए ।

प्रहरी र अस्पतालको कुरा फरक–फरक आएपछि अहिले कालीकोटको सदरमुकाम मान्म तनावग्रस्त छ ।