‘कुख्यात अपराधी’ चार्ल्स शोभराज छुट्लान् त ?

काठमाडौं । सर्वोच्च अदालतले कुख्यात अपराधी ठहरिएका चाल्र्स गुरुमुख शोभराजलाई थुन्ने वा छोड्ने भन्ने विषयमा सरकारलाई जिम्मेवारी दिंदै परमादेश दिएको छ । ज्येष्ठ नागरिकको रुपमा कैद छुट माग्दै सर्वोच्च पुगेका शोभराजलाई कैद छुट दिने वा थुन्ने भन्ने विषयमा तीन महीनाभित्र आवश्यक निर्णय गर्न सरकारका नाममा परमादेश जारी गरेको हो ।

न्यायाधीश ईश्वरप्रसाद खतिवडा र बमकुमार श्रेष्ठको संयुक्त इजलासले गरेको फैसलामा तीन महीनाभित्र छुट दिने वा नदिनेबारे आवश्यक निर्णय लिन सरकारका नाममा परमादेश जारी गरेको हो । अधिवक्ता शकुन्तला थापाले ‘विकिनी किलर’ का रूपमा परिचित शोभराज ७० वर्ष पुगेको हुनाले ज्येष्ठ नागरिकले पाउनुपर्ने ७५ प्रतिशत कैद छुट पाउनुपर्ने माग गर्दै गत कात्तिक १९ गते रिट निवेदन दायर गर्नुभएको थियो ।

ज्येष्ठ नागरिक ऐनमा ७० वर्ष पुगेका नेपाली नागरिकलाई छुट दिनुपर्ने व्यवस्था छ । तर, उनी विदेशी नागरिक हुन् । विदेशी नागरिकलाई नेपाली नागरिक सरह छुट दिने वा नदिने जिम्मा सरकारकै हातमा पुगेको छ । ज्येष्ठ नागरिक ऐनमा ७० वर्ष पुगेका ज्येष्ठ नेपाली नागरिकलाई ७५ प्रतिशतसम्म कैद छुट दिन सकिने कानूनी व्यवस्था छ ।

त्यही कानुनी व्यवस्थामा टेकेर सर्वोच्च पुगेका शोभराजले नेपाली नागरिकसरह छुट खोजेका छन् । सजाय भोगिरहेका प्राmन्सेली नागरिक शोभराजको रिट निवेदन जारी भएको छ । शोभराजलाई काठमाडौँ र भक्तपुर जिल्ला अदालतले अमेरिकी र क्यानडाली नागरिकको हत्या गरेको ठहर गर्दै जन्मकैदको फैसला सुनाएको थियो । शोभराजले सन् २०६० साल देखि कैद सजाय भोगिरहेका छन् ।